21 fevral - Beynəlxalq Ana Dili Günüdür.
Hər il fevralın 21-i bütün dünyada Beynəlxalq Ana Dili Günü kimi qeyd olunur. Dil hər bir millətin maddi və mənəvi irsini qoruyan və inkişaf etdirən ən mühüm və ən güclü vasitədir. 
Hər bir insan öz ana dilini yaxşı bilməli və onu qorumalıdır. Ana dili insanın mənəvi aləmini zənginləşdirir, dünyagörüşünü artırır, öz soydaşları ilə ünsiyyət qurmasında mühüm rol oynayır və millətin özünəməxsusluğunu qoruyur. 
Bu gün Mina Nəzirova adına, Zaqatala rayonu, Yeni Suvagil kənd 1 nömrəli tam orta məktəbində kənd ictimaiyyətinin, ziyalıların, məktəbin müəllim və şagird kollektivinin iştirakı ilə “21 fevral - Beynəlxalq Ana Dili Günüdür” mövzusunda tədbir keçirilmişdir. Tədbiri giriş sözü ilə mərkəbin direktoru Abdurahman Soltanov açmış, Azərbaycanın dövlət himni səsləndirilmiş, Ümummilli liderimiz Heydər Əliyevin və Azərbaycan torpaqlarının müdafiəsi uğrunda canından keçmiş şəhidlərimizin ruhu bir dəqiqəlik sükutla yad edilmişdir.
Zaqatala RİH başçısının Yeni Suvagil Ərazi Nümayəndəsi Soltan Soltanov, Azərbaycan Yazıçılar Birliyi Şimal Qərb bğlməsinin üzvləri Nəbi Mülkümov və Abdurahman Ömərov çıxış edərək tədbir iştirakçılarını Beynəlxalq Ana Dili Günü münasibətilə təbrik etmişlər.
Tədbirdə müəllimlər və şagirdlər tərəfindən azərbaycan, rus, ingilis və saxur dillərində şeirlər səsləndirilmiş, videoçarxlar nümayiş etdirilmiş və ədəbi kompozisiyalar göstərilmişdir.
Tədbirin sonunda təhsildə uğurlu nailiyyətlərinə görə fərqlənmiş şagirdlərə Fəxri Fərmanlar təqdim edilmişdir (foto şəkillər əlavə olunur).
Azərbaycan Jurnalistlər Birliyinin və Azərbaycan Yazıçılar
Birliyinin Şimal Qərb bölməsinin üzvü
Nəbi Mülkümov.
