ŞƏKİ DÖVLƏT PEŞƏ TƏHSİL MƏRKƏZİ TƏDRİSİN KEYFİYYƏTİNƏ GÖRƏ XÜSUSİLƏ SEÇİLƏN TƏHSİL OCAQLARINDANDIR.
Azərbaycan təhsil sistemində diqqət mərkəzindən uzaq qalan sahələrdən biri də peşə təhsili müəssisələridir desək yanılmarıq. Fikrimizcə bütün sahələrdə olduğu kimi bu sahədə də, xüsusilə seçilən təhsil müəssisələri vardır. Şəki Dövlət Peşə Təhsil Mərkəzi də peşə təhsili sahəsində xüsusi çəkisi olan bir təhsil müəssisələrindəndir.
Əslində regionda fəaliyyət göstərən peşə təhsil müəssisələri ilk baxışdan biri-birindən elə də fərqlənmir. Ancaq tədricən təhsil müəssisəsinə daxil olduqdan sonra hər şeyin daha çox müəssisə rəhbərlərindən asılı olduğunu anlayırsan. Şahin Şirinzadə son bir neçə ildir ki, Şəki Dövlət Peşə Təhsil Mərkəzinə rəhbərlik edir.
Rəhbərlik etdiyi digər sahələrdə olduğu kimi peşə təhsili müəssisəsinə də direktor təyin olunduğu gündən bu sahəyə yeniliklər gətirməyə başlayıb. Belə ki, artıq Şəki Peşə Təhsil Mərkəzində xalçaçılıq, kulinariya, turizm vəs. ixtisaslar üzrə yetişdirilən kadrlar tanınmış yerlərdə xidmət göstərirlər.
Bu günlərdə Azərbaycan Yazıçılar Birliyi Şimal-qərb regional bölməsinin sədri yazıçı -jurnalist Əlmaniz Ələkbərli də Şəki Dövlət Peşə Təhsil Mərkəzində olub.
Təhsil ocağının direktoru Şahin Şirinzadə ilə birlikdə sinif otaqlarını gəzib və 8 mart Beynəlxalq Qadınlar Bayramı münasibətilə şagirdləri təbrik ediblər. Əlmaniz müəllim müəssisədə gördüklərinə heyran olduğunu vurğulayıb: bu günə kimi bir çox peşə təhsili müəssisəsində olmuşdum ancaq Sizin müəssisədə gördüyüm aktivlik, şagirdlərin böyük həvəslə oxuması, əl işləri və direktorun bu qədər can yandırmasının şahidi olmamışdım.
Şahin müəllim hər bir uğurlu şagirdi haqqında elə danışır ki, sanki doğma övladının uğurundan danışır. Əlbəttə bu müəssisədə bir şeyin şahidi olduq, rəhbərlə kollektivin vəhdət təşkil edən səmimi idarəçiliyi və bu yönəltmə ümumi işin xeyrinə olub.
Diaspor.info
Şəki bürosu