Edinburq Universitetində Azərbaycan Tələbə Cəmiyyətinin üzvləri ilə görüş keçirilib
Şotlandiyanın Edinburq şəhərində yerləşən Edinburq Universitetində (“The University of Edinburgh”) yeni təsis olunmuş Azərbaycan Tələbə Cəmiyyətinin üzvləri ilə ilk görüş keçirilib. Həm azərbaycanlı, həm də əcnəbi tələbələrdən ibarət olan cəmiyyətin ilk görüşündə Edinburq Universitetində təhsil alan gənclərin şəbəkələşməsinin təmini və yaxın gələcəkdə Azərbaycanın milli və mənəvi dəyərləri ilə bağlı müxtəlif tədbirlərin həyata keçirilməsi müzakirə olunub.
Qeyd edək ki, Azərbaycan Tələbə Cəmiyyətinin fəaliyyəti “Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2026-cı illər üçün Dövlət Proqramı” çərçivəsində təhsil alan tələbələr tərəfindən tənzimlənəcək. Jaləxanım Aslanzadənin rəhbərliyi ilə yaradılan Azərbaycan Tələbə Cəmiyyəti vitse-prezidenti Fərhad Əsədov, katibi Nihad Abbas və altı komitə üzvü ilə birgə Edinburq Universitetində Azərbaycanın zəngin mədəniyyətini və dəyərlərini təbliğ etməyi qarşıya məqsəd qoyub.
