Naxçıvanda Gənc Rəssam İlknur Haqverdiyevanın "Hər Əsərin Bir Adı Var" Adlı Fərdi Sərgisi Keçirilib. 
Naxçıvan Rəssamlar Birliyinin binasında yerləşən Bəhruz Kəngərli adına Sərgi salonunda gənc rəssam, hələ orta məktəbdə təhsil alan İlknur Haqverdiyevanın" Hər Əsərin Bir Adı Var" adlı fərdi sərgisi keçirilib.
Tədbirdə Kəngərli RİH Başçısı Kamal Ələkbərov, Rəssamlar birliyinin tanınmış və təcrübəli üzvləri, Azərbaycan Yazıçılar Birliyi Zaqatala bölməsinin sədri Əlmaniz Ələkbərli və başqa rayon ziyalıları da iştirak ediblər.
Tədbirdə çıxış edən Kəngərli RİH Başçısı Kamal Ələkbərov təməli Ümummilli Lider Heydər Əliyev tərəfindən qoyulmuş və bu gün də Cənab Prezident İlham Əliyev tərəfindən uğurla davam etdirilən gənclər siyasətindən danışıb. Bu gün bu siyasətin Prezidentin Naxçıvan MR-sı üzrə nümayəndəsi Fuad Nəcəfli tərəfindən də daha uğurla yerinə yetirildiyini xüsusi vurğulayıb. 
Sonra tədbirdə yaşlı nəslin nümayəndələri olan rəssamlar, ziyalılar və ailə üzvlərindəndə bir neçə nəfər çıxış edərək gənc rəssama yaradıcılıq uğurları arzulayıblar.
Gənc rəssam İlknur Haqverdiyeva öz çıxışında rayon rəhbərinin göstərdiyi diqqət və qayğıya görə ona təşəkkür etdi. Ümumiyyətlə tədbirdə iştirak edən hər bir qonağa öz minnətdarlığını bildirdi.
Sonda sərgiyə ümumi baxış keçirildi və gənc rəssam hər bir əsər haqqında fərdi sərgidə iştirak edənlərə məlumat verdi.
Diaspor. info
Naxçıvan.
