KƏNGƏRLİ MƏDƏNİYYƏT MƏRKƏZİNDƏ YAZIÇI-JURNALİST ƏLMANİZ ƏLƏKBƏRLİ İLƏ GÖRÜŞ KEÇİRİLİB.
Məlum olduğu kimi 23 aprel " Ümumdünya Kitab və müəllif hüquqları günüdür". Bu günlə bağlı Naxçıvan Muxtar respublikasının Kəngərli RİH və Kəngərli MKS-nin birgə təşkilatçılığı ilə tədbir keçirilib. Tədbirdə Yazıçı-jurnalist Əlmaniz Ələkbərlinin oxucularla görüşü də təşkil edilib.
Əvvəlcə Əlmaniz Ələkbərlinin işıq üzü görmüş kitablarına foyedə baxış keçirilib. Şəhid ailələrinin də qatıldığı tədbirdə müəllif yazdığı kitablar haqqında oxuculara məlumat verib. Kəngərli Şəhidləri Zəfər Tarixi Yazanlar kitabının müəllifi kimi şəhidlər haqqında öz fikirlərini bölüşüb. Daha sonra tədbirin bədii hissəsi başlayıb.
İlk öncə Azərbaycan respublikası Dövlət himni səsləndirilib. Daha sonra Ulu öndər Heydər Əliyevin və Azərbaycanın ərazi bütövlüyü uğrunda canlarından keçmiş şəhidlərimizin ruhu bir dəqiqəlik sükutla yad edilib. Kəngərli MKS-nin rəhbəri Aysel xanım tədbirdə iştirak edən Kəngərli RİH-nin şöbə müdirinə, Kitabxana və Məktəbdə çalışan ziyalılarımıza da söz verib.
Tədbirdə Naxçıvanın digər yazarı şair Elxan Yurdoğluda çıxış edib. Müəllif haqqında Anar müəllim ətraflı məlumat verdikdən sonra söz Əlmaniz Ələkbərliyə verilib.
Əlmaniz Ələkbərli doğma el-obası, rayon ziyalıları və xüsusilə Şəhid ailələri qarşısında çıxış etməyin çox məsuliyyətli və şərəfli olduğunu xüsusi vurğulayıb.
Daha sonra tədbirdə şəhidlərə həsr olunmuş bir neçə şeir səsləndirilib.
Tədbirin sonunda yazıçı-jurnalist Əlmaniz Ələkbərli gətirdiyi bir neçə kitabı Kəngərli MKS-nin rəhbərliyinə hədiyyə edib. Və sonda xatirə şəkli çəkdirilib.
Diaspor.info
Naxçıvan