Qax Rayonu Qorağan Kəndində Şəhid Ağabəy Balayevin Anım Gününə Həsr Olunmuş Tədbir keçirilib.
Qax rayonu Qorağan kənd tam orta məktəbində "Birinci Qarabağ Müharibəsində" Şəhid olmuş Ağabəy Balayevin anım günü tədbiri keçirilib. Tədbirdə Azərbaycan Yazıçılar Birliyinin Şimal Qərb Regional Bölməsinin sədri Yazıçı jurnalist Əlmaniz Ələkbərli, AYB üzvü Abdulla Şahmir, AYB Şımal qərb regional bölməsinin üzvləri Nailə Hacıxanova və Bəstı ki Şahmurova qonaq qismində iştirak ediblər.
Qax rayonu Qorağan kənd tam orta məktəbin direktoru Günel Orucova ilk çıxış edərək məktəbdə şəhidlərin adına siniflərin olduğunu xüsusi vurğulayaraq şəhid ailələrinə diqqət və qayğının yüksək səviyyədə olmasından danışıb.
Daha sonra Qax rayon Qorağan kənd 24 saylı körpələr evi uşaq bağçasının müdir əvəzi Ülviyyə Hafisova çıxış edərək belə tədbirlərin keçirilməsini alqışladığını və bu kimi tədbirlərin gələcək nəsillərin vətənpərvərlik ruhunda böyüməsinə töhfə verəcəyini bildirib.
Şəhidin bacısı Tərgül Balayeva isə öz çıxışında məktəb rəhbərliyinə və körpə balalara ayrıca təşəkkür edib. Tərgül Balayeva AYB Şimal Qərb Regional Bölməsinin üzvü kimi aktiv şeir yazanlardan olduğuna görə qardaşının anım günündə də şeir deyib. Tərgül Balayeva qardaşı Ağabəy Balayevin də şeir yazdığını vurğulayıb. Ağabəy daha çox nakam məhəbbətdən yazıb.
Sonra söz qonaqlara verildi, əvvəlcə Azərbaycan Yazıçılar Birliyinin Şimal Qərb Regional Bölməsinin sədri Əlmaniz Ələkbərli danışıb. Əlmaniz müəllim şəhidlərimizə olan dövlət qayğısından danışaraq xüsusi qeyd edib ki, artıq Azərbaycan torpaqları işğaldan tam azad edilib. Və buna görə də Ali Baş Komandan, Prezident İlham Əliyevə və şəhidlərimizə minnətdarlığını bildirib.
Daha sonra AYB və Şimal Qərb Regional Bölməsinin üzvü Abdulla Şahmir tədbirdə çıxış edərək şəhidlərimizə dövlət qayğısından danışıb. Abdulla müəllim deyib ki, şəhidlər heç vaxt unudulmayacaq.
Daha sonra tədbirdə iştirak edən şəhid Kamal Qurbanovun qızı Arzu Rəsulova və məktəbin hərbi təlim muəllimi və Birinci Qarabağ müharibəsinin iştirakçısı Rüfət Qədirovla birgə kiçik məktəblilərin hazırladıqları şeir və mahnıları dinləyiblər.
Tədbir Şəhid bacısı Tərgül Balayevanın təşkil etdiyi ehsan süfrəsi ilə başa çatıb.
Allah şəhidlərimizə rəhmət eləsin.
Diaspor.info
Naxçıvan bürosu.