OĞUZDA HEYDƏR ƏLİYEVİN ANADAN OLMASININ 101-Cİ İLDÖNÜMÜ MÜNASİBƏTİLƏ KEÇİRİLƏN İNŞA YAZI MÜSABİQƏSİNİN QALİBLƏRİ MÜKAFATLANDIRILIB.
Məlum olduğu kimi Ümummilli Lider Heydər Əliyevin anadan olmasının 101-ci ildönümü yaxınlaşır, bu münasibətlə respublikanın hər yerində müxtəlif tədbirlər, yarışlar və müsabiqələr keçirilir. Belə müsabiqələrdən biri də “Azərbaycan Yazıçılar Birliyinin Şimal-qərb Regional Bölməsi Və Şəki-Zaqatala Regional Təhsil İdarəsinin ATİAHİ-nin” rayon komitələri ilə birgə təşkil etdiyi “Heydər Əliyev Məktəblilərin Gözü İlə” inşa yazı müsabiqəsidir.
Bir neçə aydır davam edən müsabiqənin qalibləri artıq məlum olduğuna görə təltifolunma mərasimlərinə start verilib. İkinci təltifolunma tədbiri 03-05-2024-cü ildə Şəki-Zaqatala Regional Təhsil İdarəsi, Oğuz rayon təhsil sektorunda keçirilib.
Tədbirdə “Azərbaycan Yazıçılar Birliyi Şimal-qərb Regional Bölməsinin sədri, yazıçı-jurnalist Əlmaniz Ələkbərli, Şəki-Zaqatala Regional Təhsil İdarəsi Oğuz Rayon Təhsil Sektorunun” müdiri Sərdar Nəbiyev, “Yeni Azərbaycan Partiyasının” Oğuz rayon təşkilatının sədri Saleh Məhərrəmov, Oğuz RİH “İctimai-siyasi və humanitar məsələlər şöbəsinin” müdir müavini Ayaz Ağayev, AYB Oğuz bölməsinin sədri Vüsal Oğuz, bir neçə məktəb direktorları, müəllim və qalib olan şagirdlər, Oğuz rayon ictimaiyyətinin nümayəndələri də iştirak ediblər. Tədbiri giriş sözü ilə açan Şəki-Zaqatala Regional Təhsil İdarəsi Oğuz rayon üzrə təhsil sektorunun müdiri Sərdar Nəbiyev tədbir iştirakçılarını salamladıqdan sonra ilk öncə Ulu Öndər Heydər Əliyevin və Vətənin azadlığı uğrunda canından keçən şəhidlərin ruhunu bir dəqiqəlik sükutla yad etməyi təklif etdi.
Daha sonra söz tədbirin əsas təşkilatçılarından olan Azərbaycan Yazıçıları Birliyi Şimal-Qərb Regional Bölməsinin sədri, Diaspor.info saytının baş redaktoru Əlmaniz Ələkbərliyə verildi:”Məlum olduğu kimi bir neçə aydır “Heydər Əliyev Məktəblilərin Gözü İlə “adlı inşa yazı müsabiqəsi keçirilir.
Artıq rayon və zona qalibləri müəyyən olunubdur. Bu gün bu tədbirimizdə qaliblər təltif olunacaqdır. “Heydər Əliyev məktəblilərin gözü ilə” adlı inşa yazı müsabiqəsinin keçirilməsində əsas məqsəd gənc nəsli Ulu Öndər Heydər Əliyev ideyaları ruhunda, onun zəngin irsi işığında yeni üsul və metodlarla tərbiyyə etmək, Onun irsinin dövlətçilik, azərbaycançılıq, bəşəri konsepsiyasını, idarəçiliyini öyrənmək, təbliğ etmək, bu ideyalardan faydalanmaq, həyatımızda istifadə etməkdir.
Bu tədbirimizdə yaşlı nəslin nümayəndələri də iştirak edirlər və bizlərin çoxu o dahi şəxsiyyəti canlı olaraq görmüşük. Məlum məsələdir, Heydər Əliyev elə bir dahi şəxsiyyətdir ki, onun haqqında bizdən sonra gələcək nəsillər də araşdırmalar aparacaq və bu fitri istedad sahibini dərindən öyrənəcəklər.
Ancaq bu günün gəncliyi, şagirdlərimizin əlinə daha yaxşı fürsət düşüb ki, Heydər Əliyevlə canlı ünsiyyətdə olan insanların dilindən bunları öyrənə bilsinlər. Mənə bu xoşbəxtlik iki dəfə, tələbə olduğum vaxtlarda Naxçıvan şəhərində nəsib olub.
Ümummilli liderimiz qarşısındakı insanın yaşının fərqinə baxmayaraq hamını təmkinlə dinləyir və onun sualını da cavablandırırdı. Bizim görüşümüz o vaxt baş tutmuşdu ki, Naxçıvanın bütün yolları, o cümlədən hava yolları da, bağlı idi və insanlar çörəklə imtahana çəkilirdi. Həmin dövrdə Heydər Əliyev Naxçıvana tək quru canıyla gəlmişdi, nə sərvətimiz, nə də ki, silah-sursatımız var idi.
O böyük şəxsiyyət nəinki Naxçıvanı bu vəziyyətdən çıxardı, bununla yanaşı bütöv Azərbaycanı yox olmaqdan qurtardı.
Onun 101-ci ildönümünə həsr olunan inşa yazısı çox əhəmiyyətlidir. Belə ki, şagirdlərimiz onun haqqında daha çox oxuyur və öz fikirlərini kağız üzərinə köçürə bilirlər.
Odur ki, belə inşa yazı müsabiqələri nə qədər çox keçirilərsə şagirdlərimiz daha çox Heydər Əliyev irsini dərindən öyrənərlər. Oğuz rayon təhsilinin uğurlarından xəbərdar olan biri kimi onu da xüsusi vurğulamaq istəyirəm ki, bu inşa yazı müsabiqəsində də Oğuz məktəbliləri çox aktivlik göstəriblər. Mən bütün qalibləri ürəkdən təbrik edirəm.”
Daha sonra tədbirdə Oğuz rayon təhsil sektorunun müdiri Sərdar Nəbiyev çıxış edərək Azərbaycan tarixinin müxtəlif dövrlərində Ümummilli Lider Heydər Əliyevin rolunu xüsusi qeyd edib və belə müsabiqələrin keçirilməsinin gənclərin həyatında əhəmiyyətli rola malik olduğunu vurğulayıb. Sərdar müəllim öz çıxışında Ümummilli Lider Heydər Əliyevin Azərbaycan dövləti qarşısındakı misilsiz fəaliyyəti, onun dövlətçiliyimizin xilaskarı olmasını xüsusi qeyd etmişdir.
Daha sonra YAP Oğuz rayon təşkilatının sədri Saleh Məhərrəmov çıxış edərək, Ümummilli Lider Heydər Əliyevin uşaqlara göstərdiyi diqqət və qayğıdan, ölkəmizdə uşaqların hərtərəfli inkişafının təmin edilməsi istiqamətində görülən işlərdən danışaraq müsabiqə qaliblərini təbrik edib.
Tədbirdə çıxış edən Oğuz RİH “İctimai-siyasi və humanitar məsələlər şöbəsinin” müdir müavini Ayaz Ağayev də əvvəlcə rayon rəhbəri adından tədbir iştirakçılarını salamlayıb. Sonra Heydər Əliyevin anadan olmasının 101-ci ildönümünə həsr olunan “Heydər Əliyev Məktəblilərin Gözü İlə” inşa yazı müsabiqəsinin təşkilatçıları olan “Azərbaycan Yazıçılar Birliyinin Şimal-qərb Regional Bölməsi Və Şəki-Zaqatala Regional Təhsil İdarəsinin ATİAHİ-nin” rayon komitələrinə öz təşəkkürünü bildirib.
Ayaz müəllim belə müsabiqələrin məktəblilər arasında keçirilməsini xüsusi alqışlayaraq, bunun gələcək nəsillərin yetişməsində böyük rol oynayacağını qeyd edib. Və çıxışının sonunda qalib olmuş şagirdləri ürəkdən təbrik edib.
Sonda yekun nitq söyləyən AYB Şimal-qərb Regional Bölməsinin sədri Əlmaniz Ələkbərli tədbirin təşkili üçün Oğuz rayon təhsil sektorunda yaradılan şəraitə görə zəhməti keçən hər bir kəsə öz minnətdarlığını bildirib. Və bundan sonra qaliblər təltif olunublar, sonra xatirə şəkili çəkilib.
Diaspor.info
Qəbələ.