ŞƏKİ-ZAQATALA REGİONAL TƏHSİL İDARƏSİ ULU ÖNDƏR HEYDƏR ƏLİYEVİN ANADAN OLMASININ 101-Cİ İLDÖNÜMÜNƏ HƏSR EDİLMİŞ TƏDBİR KEÇİRİB. 
Məlum olduğu kimi Ümummilli Lider Heydər Əliyevin anadan olmasının 101-ci ildönümü yaxınlaşır, bu münasibətlə respublikanın hər yerində müxtəlif tədbirlər, yarışlar və müsabiqələr keçirilir. 
Bu münasibətlə Şəki-Zaqatala regional təhsil idarəsinin təşkilatçılığı ilə 07-05-2024-cü il tarixində Şəki şəhəhərindəki “Heydər Əliyev Mərkəzində” tədbir keçirilib. 
Tədbirdə Şəki-Zaqatala regional təhsil idarəsinin müdir səlahiyyətlərini icra edən Günay Mahmudova, Şəki şəhər icra hakimiyyəti başçısının birinci müavini Həsən Həsənov, YAP Şəki təşkilatının sədri Daşqın Mikayılov, Diaspor.info saytının baş redaktoru, Azərbaycan Yazıçılar Birliyi Şimal-qərb regional bölməsinin sədri yazıçı-jurnalist Əlmaniz Ələkbərli, ATİAHİ-NİN Şəki rayon komitəsinin sədri Ziyafət Xasıyeva, bir çox məktəb direktorları, bu arada bir çox yarışmalar, müsabiqələrdə qalib olmuş məktəblilər və onların müəllimləri də iştirak ediblər. 
Tədbirdə Azərbaycan Respublikasının Dövlət himni səsləndirilib, daha sonra Ümummilli Lider Heydər Əliyevin və Azərbaycanın ərazi bütövlüyü uğrunda canlarından keçmiş bütün şəhidlərimizin ruhu bir dəqiqəlik sükutla yad edilib. 
Tədbirdə ilk çıxışı Şəki-Zaqatala regional təhsil idarəsi Şəki rayon təhsil sektorunun rəhbəri etdi. Daha sonra tədbirdə Şəki RİH başçısının birinci müavini Həsən Həsənov, YAP Şəki təşkilatının sədri Daşqın Mikayılov və Şəki-Zaqatala regional təhsil idarəsinin müdir səlahiyyətlərini icra edən Günay Mahmudova çıxış ediblər. 
Günay xanım Ümummilli liderimiz Heydər Əliyevin xalqımız, dövlətimiz üçün göstərdiyi misilsiz xidmətlərindən geniş danışaraq onun bir çox sahələrə xüsusən də təhsil sahəsinə ayrıca diqqət göstərdiyini vurğulayıb.
Daha sonra Bir çox nominasiyalar üzrə regionda, respublikada keçirilən yarış və müsabiqələrin qaliblərinin mükafatlandırılmasına başlanılıb.
“Azərbaycan Yazıçılar Birliyinin Şimal-qərb Regional Bölməsi Və Şəki-Zaqatala Regional Təhsil İdarəsinin ATİAHİ-nin” rayon komitələri ilə birgə təşkil etdiyi “Heydər Əliyev Məktəblilərin Gözü İlə” inşa yazı müsabiqəsinin Şəki rayonu və Zona üzrə qalibləri də təltifolunanlar arasında idilər.
İnşa yazı müsabiqəsinin qaliblərini “Azərbaycan Yazıçılar Birliyi Şimal-qərb Regional Bölməsinin sədri, yazıçı-jurnalist Əlmaniz Ələkbərli təltif edib.
Daha sonra Şəki məktəblilərinin hazırladığı şeir, musiqi və rəqs nümunələri ilə tədbir davam edib.
Diaspor.info
Şəki
