İTİTALA KƏND KÖRPƏLƏR EVİ-UŞAQ BAĞÇASINA DAXİL OLARKƏN UŞAQ RƏSM QALAREYASINI XATIRLADIR.
İtitala kəndi daha çox gürcülərin azərbaycanlılarla birgə və kompakt yaşadığı yaşayış məskənlərindəndir. Balakən rayonunun ən ucqar kəndlərindən olmasına baxmayaraq İtitala kəndi həm orta məktəb, həm də körpələr evi-uşaq bağçası ilə heç də rayon mərkəzlərindəkilərdən seçilmirlər. 
İtitala kənd tam orta məktəbi yeni tikili olmasına baxmayaraq, körpələr evi uşaq bağçası sovetlər birliyindən qalan bir tikilidir, desək yanılmarıq. Ümumiyyətlə körpələr evi-uşaq bağçası deyiləndə istər-istəməz insanın çöhrəsində təbəssüm yaranır. Dünyada elə bir varlıq tapmazsan ki, körpəsini sevməsin. 
M. Umuxanov adına İtitala kənd körpələr evi-uşaq bağçasına daxil olarkən sanki özünü uşaq rəsm qalareyasında hiss edirsən. Onu da danmaq olmaz ki, respublikamızın çox yerində körpələr evi-uşaq bağçaları əsasən sovetlər birliyi dövründə tikilənlərdir, elə bu bağça da onlardandır.
Əsasən bölgələrdə bu tip bağçalara daha çox rast gəlinir ancaq İtitala kənd körpələr evi-uşaq bağçasının kollektivi köhnə binada elə əl işləri yaradıblar ki, baxan hər bir kəs heyran olur. Maraqlısı odur ki, bütün bu gözəllikləri körpələr evi-uşaq bağçasının tərbiyəçi və texniki işçiləri yaradıblar.
Onu da danmaq olmaz ki, bu gün köhnə bağçalarla yanaşı təkcə paytaxt Bakı şəhərində deyil, Respublikanın hər yerində müasir dövrün tələblərinə tam cavab verən körpələr evi-uşaq bağçaları da yetərincə vardır. Heydər Əliyev fondunun tikdirdiyi Körpələr evi-uşaq bağçaları isə öz gözəlliyi ilə daha çox seçilir. Bundan əlavə Elm və Təhsil nazirliyinin xətti ilə tikilən bağçalarımız da göz oxşayır. 
Ancaq İtitala kənd körpələr evi-uşaq bağçası köhnə tikili kimi bütün respublikada təbliğ olunası bağçadır, yəni belə bir köhnə binada yüksək səviyyədə təmizliyə nail olmaq və uşaqların rahatlığı üçün bütün şəraiti yaratmaq üçün həqiqətən də, kollektiv və rəhbərlik birgə, həm də, sevgiylə işləməlidir. M. Umuxanov adına İtitala kənd körpələr evi-uşaq bağçasının müdiri İsayeva Səlimət Filman qızı bütün bunlara nail olub desək, yanılmarıq. 
Sözügedən bağçada iki dildə, Azərbaycan və Gürcü dillərində uşaqlara şeir, mahnılar öyrədilir, yəni burada təlim-tərbiyə iki dildə aparılır. Üç qrupdan ibarət olan körpələr evi-uşaq bağçasında əllibeş körpənin təlim-tərbiyəsi ilə bir musiqi rəhbəri və yeddi tərbiyəçi məşğuldur. Sözügedən körpələr evi-uşaq bağçasının uşaqları mütəmadi olaraq rayonda keçirilən müxtəlif tədbirlərdə öz bilik və bacarıqlarını nümayiş etdirirlər.
Əlbəttə ki, bunun üçün təhsil sektorunun bağçalarla işləyən metodistlərinin də rolunu danmaq olmaz. Bəzi rayonlarda bu sahədə çalışan metodistlərin işi elə də nəzərə çarpmır, ancaq elə rayonlarda vardır ki, həqiqətən də bağça ilə təhsil sektorunun işi ideal vəziyyətdədir. Balakən rayon Təhsil sektorunun Körpələr evi-uşaq bağçaları ilə işləyən metodisti Qumru Daanovanın bağçalarla birgə işi də sözün hər mənasında nümunə göstəriləcək səviyyədədir. 
Sözügedən Balakən rayon İtitala kənd M. Umuxanov adına körpələr evi-uşaq bağçasında azsaylı xalqların nümayəndələri olduğuna görə burada onların rəqsləri, mahnıları və bayram tədbirləri də ayrıca öyrənilir ki, ümumrayon tədbirlərində də nümayiş etdirilir.
Balakən rayon İtitala kənd M. Umuxanov adına körpələr evi-uşaq bağçasının müdiri İsayeva Səlimət Filman qızı 2021-ci ildən bu təhsil ocağına rəhbərlik edir. Qıssa müddət olmasına baxmayaraq, o da rayonda sayılıb-seçilən bağça müdirlərindəndir. 
Bağçanın özünün sosial şəbəkələrdə səhifəsi olduğuna görə mütəmadi olaraq keçirilən bütün tədbirləri orada paylaşırlar. Onların səhifəsinə daxil olarkən rəngarəngliyi, körpələrin fitri istedadını həmin paylaşmalarda açıq-aydın görmək olur.
Baxmayaraq ki, rayon mərkəzindən xeyli uzaqdadır, ancaq sektor rəhbərliyi tərəfindən də, həmişə diqqətdə saxlanılır.
Balakən rayon təhsil sektorunun müdiri, şəhid bacısı Mehparə Murtuzəliyeva təyin olduğu qıssa müddətdə təhsil sahəsində xüsusi bir canlanma da başlayıb. Uzun müddət ciddi, savadlı, öz peşəsinə və şəxsiyyətinə hörmət edən müdir üçün qəribsəyən təhsil işçiləri öz işlərinə daha məsuliyyətlə yanaşmağa başlayıblar.
[15/5 22:28] +994 50 327 78 04: https://www.facebook.com/share/v/gcXqSV5RbQRLY4Wx/?mibextid=KsPBc6
[15/5 22:28] +994 50 327 78 04: https://www.facebook.com/share/v/a2QZQyBfDr1ovFaC/?mibextid=KsPBc6
[15/5 22:28] +994 50 327 78 04: https://www.facebook.com/share/v/5Z4yRoHqkaKsLL13/?mibextid=KsPBc6
[15/5 22:28] +994 50 327 78 04: https://www.facebook.com/share/v/a2QZQyBfDr1ovFaC/?mibextid=KsPBc6
[15/5 22:28] +994 50 327 78 04: https://www.facebook.com/share/v/j1CXMEckFwGnHqM3/?mibextid=KsPBc6
[15/5 22:28] +994 50 327 78 04: https://www.facebook.com/share/v/UECoCZ7dLxdX7D6H/?mibextid=KsPBc6
Diaspor.info
Balakən
