BALAKƏN ŞƏHƏR DÖRD NÖMRƏLİ KÖRPƏLƏR EVİ-UŞAQ BAĞÇASININ BİNASI ŞƏHƏRƏ XÜSUSİ GÖZƏLLİK VERİR. 
2016-CI İLDƏ HEYDƏR ƏLİYEV FONDU HESABINA TİKİLMİŞ BALAKƏN ŞƏHƏR DÖRD NÖMRƏLİ KÖRPƏLƏR EVİ-UŞAQ BAĞÇASI ARXİTEKTURA BAXIMINDAN XÜSUSİ ZÖVQLƏ HAZIRLANDIĞI ÜÇÜN ŞƏHƏRİN YENİ TİKİLİLƏRİNƏ XÜSUSİ GÖZƏLLİK QATIR.
Körpələr evi-uşaq bağçası deyiləndə istər-istəməz insanın çöhrəsində təbəssüm yaranır. Bəli, tam əminliklə demək olar, dünyada elə bir varlıq tapmazsan ki, körpəsini sevməsin. Balakən şəhər dörd nömrəli körpələr evi-uşaq bağçasına daxil olarkən sanki özünü uşaq dünyasında hiss edirsən. Belə ki, 2016-cı ildə Heydər Əliyev fondu hesabına tikilmiş sözügedən körpələr evi-uşaq bağçası sözün hər mənasında müasir dövrün bütün tələblərinə cavab verən bir təhsil müəssisəsidir. 
Düzdür bu gün onu da danmaq olmaz ki, respublikamızın çox yerində körpələr evi-uşaq bağçaları əsasən sovetlər birliyi dövründə tikilənlərdir. Əsasən bölgələrdə, ucqar kəndlərimizdə bu tip bağçalara daha çox rast gəlinir.
Fəxrlə qeyd etmək lazımdır ki, bu gün köhnə bağçalarla yanaşı təkcə paytaxt Bakı şəhərində deyil, Respublikanın hər yerində müasir dövrün tələblərinə tam cavab verən körpələr evi-uşaq bağçaları da yetərincə vardır. 
Bunların arasında Heydər Əliyev fondunun tikdirdiyi Körpələr evi-uşaq bağçaları isə öz gözəlliyi ilə daha çox seçilir.
Elə Balakən şəhər dörd nömrəli körpələr evi-uşaq bağçası da 2016-cı ildə məhz Heydər Əliyev fondu hesabına tikilib və bu gün öz gözəlliyi ilə göz oxşayır.
Bundan əlavə Elm və Təhsil nazirliyinin xətti ilə tikilən bağçalarımız da müasir dövrün tələblərinə tam cavab verirlər. Azərbaycanda çox gözəl “Atalar Sözü “ vardır; “Torpağı əkə bilmirsənsə qorumağa, qoruya bilmirsənsə əkməyə dəyməz”. 
Bu atalar sözünə xitabən deyə bilərəm ki, Balakən şəhər dörd nömrəli körpələr evi-uşaq bağçasının kollektivi 2016-cı ildə Heydər Əliyev fondu hesabına tikilən yeni bağçanı göz bəbəyi kimi qoruyub saxlayıblar. Binaya daxil olarkən səliqə-səhman göz oxşayır, əlbəttə ki, içəridə kollektivin özlərinin və uşaqların da əl işləri, bağçaya xüsusi gözəllik verir.
Balakən şəhər dörd nömrəli körpələr evi-uşaq bağçasının müdiri Qandayeva Amrita Üzeyir qızı 2018-ci ildən bu təhsil ocağına rəhbərlik edir. Qıssa müddət olmasına baxmayaraq, o da rayonda sayılıb-seçilən bağça müdirlərindəndir. Bağçanın özünün sosial şəbəkələrdə səhifəsi olduğuna görə mütəmadi olaraq keçirilən bütün tədbirləri orada paylaşırlar.
Onların səhifəsinə daxil olarkən rəngarəngliyi, körpələrin fitri istedadını həmin paylaşmalarda açıq-aydın görmək olur. 
Sözügedən körpələr evi-uşaq bağçasının uşaqları mütəmadi olaraq rayonda keçirilən müxtəlif tədbirlərdə öz bilik və bacarıqlarını nümayiş etdirirlər. Əlbəttə ki, bunun üçün təhsil sektorunun bağçalarla işləyən metodistlərinin də rolunu danmaq olmaz. Bəzi rayonlarda bu sahədə çalışan metodistlərin işi elə də nəzərə çarpmır, ancaq elə rayonlarda vardır ki, həqiqətən də bağça ilə təhsil sektorunun işi ideal vəziyyətdədir. 
Balakən rayon Təhsil sektorunun Körpələr evi-uşaq bağçaları ilə işləyən metodisti Qumru Daanovanın bağçalarla birgə işi də sözün hər mənasında nümunə göstəriləcək səviyyədədir. Sosial şəbəkələrə nəzər salarkən sözügedən Balakən şəhər dörd nömrəli körpələr evi-uşaq bağçasında keçirilən müxtəlif tədbirlərin şahidi olursan. Uşaqların ifa etdikləri rəqsləri, mahnıları vəyaxud da bayram tədbirlərindəki xüsusi çıxışları, bundan əlavə ümumrayon tədbirlərindəki xüsusi çıxışlarını da sosial şəbəkələrdə nümayiş etdirirlər.
Balakən rayon təhsil sektorunun müdiri, şəhid bacısı Mehparə Murtuzəliyeva təyin olduğu qıssa müddətdə körpələr evi-uşaq bağçaları da daxil olmaqla təhsil sahəsində, xüsusi bir canlanma da başlayıb. Uzun müddət ciddi, savadlı, öz peşəsinə və şəxsiyyətinə hörmət edən müdir üçün qəribsəyən təhsil işçiləri öz işlərinə daha məsuliyyətlə yanaşmağa başlayıblar.
Diaspor.info
Balakən
