Dünən Okhatan Neo qrupunun üzvləri "Şah İsmayılın həyatı" adlı kitabın müəllifi, AMEA-nın akademik Ziya Bünyadov adına Şərqşünaslıq İnstitutunun elmi işçisi Samid Bağırovla görüşüb. Diaspor.info xəbər verir ki, görüşdə kitabla bağlı geniş müzakirəklər aparılıb. Müəllif əsərdə şahın həyatını və fəaliyyətini qələmə aldığını bildirib. Bunun üçün isə iki əsərə, “Fütuhati-şahi” və “Həbibüs-siyər” -ə müraciət edib. Şah İsmayıl Xətai və onun dövrünün araşdırılması, eyni zamanda tədqiqatı ilə məşğul olan Okhatan Neo qrupu isə tədqiqatlar nəticəsində əldə etdikləri bir çox faktları yazarla bölüşüblər. Daha sonra qrup S.Bağırovu "Sənaye nümunəsi” patenti almış oxçu üzükləri ilə tanış edib. Üzüklər və digər sənət nümunələrini yazar böyük diqqətlə qarşılayıb.
[center]
