Bakı şəhəri 201 nömrəli tam orta məktəbdə Xocalı və Qarabağ tarixinə həsr olunmuş tədbirlər planı tərtib olunmuşdur. Məktəbin V-VIII sinif şagirdləri arasında esse yazı müsabiqəsi keçirilmiş, sertifikatlarla təltif olunmuşlar. Rəsm müsabiqəsi keçirilmiş, müsabiqə qalibləri digər instansiyalara öz işlərini təqdim etməklə müəyyən uğurlar qazanmışlar. Məktəb şagirdlərinin rəsm əsərləri sərgilənmişdir. Bütün sinif rəhbərləri sinif təşkilat saatlarında “Xocalı və Qayıdış” mövzusuna həsr olunmuş söhbətlər, müzakirələr aparmış, dəyirmi masalar da təşkil olmuşdur.
25.02.2025-ci il tarixdə 201 nömrəli tam orta məktəbdə təşkil olunan “Dirçələn Xocalı” mövzusunda tədbir xüsusi ilə fərqlənmişdir. Tədbirdə əsas ideya şagirdlərə Xocalı faciəsini unutmamaq, bununla yanaşı Xocalının bu günü, dirçəlişi, gələcəyi, Qarabağa qayıdış haqqında fikir formalaşdırmaqdır.
Tədbirdə məktəbin direktoru Afaq Əliyeva, Nizami rayon Azad Həmkarlar İttifaqının sədri Sübut Əsədov çıxış etmiş, şagirdlərə tariximizlə bağlı tövsiyələr vermişdir. Tədbirdə ibtidai sinif şagirdlərinin hazırladığı kompozisiya və yuxarı sinif şagirdlərinin mübarizlik və vətənpərvər ruhlu şeirləri, əl işləri və rəsm əsərləri xüsusi ilə fərqləndi.
