BALAKƏNLİ QIZ QƏBƏLƏDƏN XANKƏNDİYƏ DOĞRU MARAFONDA İŞTİRAK EDİB.
Məlum olduğu kimi bu il aprel ayının 10-dan 13-dək Qəbələdən Xankəndiyə marafon qaçışı üzrə Beynəlxalq yarış keçirilib.
Bu yarışda Şimal-qərb bölgəsindən yeganə xanım idmançı Balakən rayonundan olan Fərqanə Saxrayeva olub. Fərqanə xanım təkcə Balakənin deyil bütövlükdə Azərbaycanın fəxri olan idmançımızdır. 
Belə ki, xanım idmançımız dəfələrlə Azərbaycan bayrağını sərhədimizdən kənarda qaldıraraq Dövlət himnimizi səsləndirib.
Fərqanə xanımla telefon əlaqəsi yaradaraq həm marafonla bağlı, həm də onun indiyə qədər əldə etdiyi bəzi uğurlarla tanış olduq.
Saxrayeva Fərqanə Ramazanhacı qızı 24.09.1984-cü ildə Balakən rayon Mahamalar kəndində anadan olub, əslən Balakənlidir. Uşaq yaşlarından Gimnastika və aerobika ilə məşğul olub. 2008-ci ildə Karate idman növü ilə məşğul olmağa başlayıb. 
Karate idman növü ilə yanaşı 2011-ci ildə “svd”snayper tüfəngi tam kursunu müvəffəqiyyətlə bitirib. 2015 -ci ildə Budo Doyuş növləri, 2019-cu ildə Kıkcboxıng idman növü ilə məşğul olmağa başlayıb. Dünya və Avropa çempionudur.
Azərbaycan Respublikasının İdman Ustasıdır.
Hal hazırda Kıkcboxıng fedarasiyasının yığma komandasındadır. FHN-nin əməkdaşıdır. 2024-cü il Azərbaycan Respublikası İdman və Gənclər Nazirliyi, Atletika Federasiyası, Zəfər idman klubunun keçirdiyi Zəfər kuboku 10 km, dekabr ayında isə 42.195 tam marafon qaçıb. 2025-ci il 10-13-apreldə ölkədə keçirilən Beynəlxalq ultramarafonunda Qəbələdən Xankəndliyə 192 km məsafəni qət edib. Fərqanə xanım Balakən rayonundan olan ilk xanımdır ki, bu marafonu qət edib. Eyni zamanda FHN-nin ilk ultramarafon qət edən xanım xilasedicisidir və Kıkcboxıng Fedarasiyasındada ilk ultramarafon qət edən xanımdır.
Fərqanə xanıma gələcəkdə idmanda yeni-yeni nailiyyətlər arzulayırıq.
Əlmaniz Ələkbərli
Azərbaycan Jurnalistlər və Yazıçılar Birliyinin üzvü
