“Azərbaycan dövləti daim insan hüquqlarının təminatçısıdır”
mövzusunda maarifləndirici tədbir keçirilib
Azərbaycan Respublikasının İnsan Hüquqları üzrə Müvəkkilinin (Ombudsmanın) Cənub Regional Mərkəzinin, Masallı Tarix-Diyarşünaslıq Muzeyi və Masallı rayon Mərkəzi Kitabxanasının birgə təşkilatçılığı ilə “Azərbaycan dövləti daim insan hüquqlarının təminatçısıdır” mövzusunda maarifləndirici tədbir keçirilib.
Regional Mərkəzin rəhbəri Ziya İsmayılov çıxış edərək, 1995-ci il noyabrın 12-də Azərbaycan Respublikasının ilk Konstitusiyasının qəbul olunduğunu, insan hüquq və azadlıqlarına geniş yer verildiyini, bununla da ölkəmizdə genişmiqyaslı qanunvericilik və institusional islahatların əsasının qoyulduğunu qeyd edib.
Eyni zamanda, Ombudsmanın insan hüquq və azadlıqlarının müdafiəsi istiqamətində həyata keçirdiyi fəaliyyəti barədə məlumat verilib, “Azərbaycan Respublikasının İnsan hüquqları üzrə müvəkkili (ombudsman) haqqında” Konstitusiya Qanununda edilmiş son dəyişikliklərdən bəhs olunub, iştirakçılara maarifləndirici vəsaitlər təqdim edilib və onları maraqlandıran suallar cavablandırılıb.
Mətbuat xidməti
