Aprelin 25-də Nəsimi Rayon Prokurorluğunun yeni inzibati binasının açılış mərasimində çıxış edən Baş prokuror Kamran Əliyev müasir prokurorluq sisteminin inkişafına və şəffaflığın təmin olunmasına yönəlmiş davamlı addımlar atıldığını vurğulayıb.
Diaspor info xəbər verir ki, Baş prokuror çıxışında son illərdə bir neçə yeni inzibati binanın istifadəyə verilməsinin prokurorluq sistemindəki islahatların davamlı və məqsədyönlü şəkildə həyata keçirildiyinin göstəricısı olduğunu bildirib: “Bu addımlar vətəndaşlara daha yüksəkkeyfiyyətli xidmət göstərmək, iş proseslərinin çevikliyini və şəffaflığını artırmaq məqsədi daşıyır”.
Kamran Əliyev yeni inzibati binada da tətbiq edilən "Elektron Prokurorluq" sistemi ilə işin rəqəmsallaşdırılmasının və sənəd dövriyyəsinin daha şəffaf həyata keçirilməsinin prokurorluq fəaliyyətinə yeni nəfəs verdiyini qeyd edib. O, bu inkişafın prokurorluğun daha müasir və effektiv fəaliyyətini təmin edəcəyinə əmin olduğunu bildirib.
