Bugün 2 may 2025-ci ildə ATİAHİ Nizami Rayon Komitəsi ,, Konstitusiya və Suverenlik ili çərçivəsində Ulu Öndər Heydər Əliyevin 102-ci ildönümünə həsr olunmuş Mən Azərbaycanlıyam devizi altında Nizami rayon ümumtəhsil məktəbləri arasında bilik yarışması keçirilmişdir. Ulu Öndər Heydər Əliyevin və şəhidlərimizin xatirəsini bir dəqiqəlik sükutla yad etməklə Sübut Əsədov tədbiri açıq elan etdi. S. Əsədov Azərbaycan Respublikasının Prezidenti İlham Əliyevin 2025-ci ili Konstitusiya və Suverenlik ili elan olunmasından eyni zamanda Konstitusiyanın hüquqi dövlət quruculuğunda rolundan bəhs edərək Ulu Öndərin keçdiyi ömür yolundan və Azərbaycan xalqına verdiyi töhfələrdən geniş məlumat verdi.
Həmçinin Respublika Komitəsinin sədri Araz Paşayevin bilik yarışması iştirakçılarına salamlarını çatdırmaqla verdiyi tövsiyələri onlarla bölüşdü. Münsiflər heyətinin üzvü Samara Məmişova yarışın əsasnaməsi və keçirilmə qaydası barədə məlumat verdi. 3 turdan ibarət olan yarışmanın qalibi 61 saylı tam orta məktəbin komandası 1-ci yerə, 32 saylı məktəbin komandası 2-ci yerə, 242 saylı məktəbin komandası isə 3-cü yerə layiq görüldülər. Komanda kapitanlarının final görüşündə isə 1-ci yerə 32 saylı tam orta məktəb, 2-ci yerə 61 saylı tam orta məktəbin lideri çıxdı. Sonda Nizami Rayon Komitəsi tərəfindən bütün iştirakçılara Fəxri Fərman, digər yer tutan qaliblərə isə qiymətli hədiyyələr təqdim olundu.
