ADPU-nun müəllimi Xumarə Qəhrəmanlının və AzTU-nun müəllimi Türkanə Qəhrəmanlının mentorluğu ilə ADPU və AzTU tələbələri dünyanın ən böyük robot olimpiadası olan “Robotex Azərbaycan Avrasiya Çempionatı”nda 9 kateqoriya üzrə 1-ci yer oldular.
4 may 2025-ci il tarixində Azərbaycanda“Robotex Azərbaycan Avrasiya Çempionatı” keçirilib. Azərbaycanın fərqli təhsil müəssisəsindən ümumilikdə 187 komanda, 845 şagird və tələbə iştirak etdiyi yarışmada gənc mühəndislər 21 fərqli kateqoriya üzrə qələbə uğrunda yarışdılar.
“ScanteKh” komandası SoftTech Entrepreneurship kateqoriyası üzrə I yerə, “LifeteKh” komandası HealthTech Entrepreneurship kateqoriyası üzrə I yerə, “FireteKh” komandası RoboTech Entrepreneurship kateqoriyası üzrə I yerə, “Smart Girls” komandası Girls Triathlon kateqoriyası üzrə I yerə, “RoadteKh” komandası Autonomous Car kateqoriyası üzrə I yerə, “Trackmasters” komandası MBot Line Following kateqoriyası üzrə I yerə, “MazeteKh” komandası Maze Solving kateqoriyası üzrə I yerə, “FishteKh” komandası BlueTech Entrepreneurship kateqoriyası üzrə I yerə, “SmartDron” komandası isə Drone Rally kateqoriyası üzrə I yerə layiq görüldülər. ADPU-nun müəllimi Xumarə Qəhrəmanlının və AzTU-nun müəllimi Türkanə Qəhrəmanlının mentorluğu ilə yarışmaya qatılan komandanın tərkibi Aysel Qarayeva, Səkinə Vəliyeva, Ayşən Məsimova, Ayla Ağayeva, Günay Cəfərova, Pərvin Muxtarlı, Ləman Hüseynova, Nərmin Qarayeva, Əfruz Qocayeva, Mətanət Əlizadə, Elvin Əzizli, Nuranə Nuri, Pakizə Əliyeva və Tamara Manaflıdan ibarət olub.
Qalib olan bütün komandalar final mərhələsinə vəsiqə qazanıblar.
