Azərbaycan Təhsil İşçiləri Azad Həmkarlar İttifaqı Nizami Rayon komitəsinin üzv təşkilatlarından olan Texnika və Texnologiyalar üzrə Bakı Dövlət Peşə Təhsil Mərkəzində açıq qapı günü keçirilmişdir. Tədbir Dövlət Himni və Şəhidlərimizin xatirəsini bir dəqiqəlik sükutla yad edilərək öz işinə başladı. Tədbiri Peşə Təhsil Mərkəzinin direktor əvəzi Səbinə Hacıyeva açaraq,qonaqları təqdim etdi. Mərkəzin fəaliyyətindən və ixtisaslar üzrə kadr hazırlığından, bu gün peşələr üzrə təqdim olunan sahələrdən bəhs etdi,sonra sözü Nizami Rayon İcra Hakimiyyətinin məsul işçisi Mürvət İbrahimova verildi, o belə tədbirlərin əhəmiyyətindən bəhs edərək Rayon İcra Hakimiyyətinin başçısı Coşqun Cəbrayılovun salamlarını çatdırdı. Sonra söz ATİAHİ Nizami RK-nın sədri Sübut Əsədova verildi. Sübut Əsədov qonaqları və müəllimləri ATİAHİ Respublika Komitəsinin sədri cənab Araz Paşayevin adından salamlayaraq,dəyərli məsləhətlərini verdi. S.Əsədov bu sahələr üzrə ixtisaslı kadrların əmək bazarında yer tutmaları üçün yaxşı oxumalı,istehsalat-təlim sexlərində peşəkar müəllimlərin bilik və bacarıqlarınından yararlanmalıdırlar. Tədbirin sonunda musiqi və rəqs nömrələri göstərilməklə, moda və peşələr üzrə sərgilər nümayiş etdirildi.
