27 may 2025-ci il tarixdə ATİAHİ Nizami Rayon Komitəsinin 28 May Müstəqillik Gününə həsr olunmuş tədbiri keçirilmişdir.Üç rəngli bayrağımızın zala gətirilməsi ilə Dövlət himni səsləndirilmiş, Şəhidlərimizin xatirəsi yad edilmişdir.Nizami rayon komitəsinin sədri Sübut Əsədov qonaqları salamlamış və Respublika Komitəsinin sədri Araz Paşayevin təbrikini çatdırmışdır.1918-ci ildə Şərqdə ilk demokratik Respublikanın qurulması xalqımızın azadlıq və müstəqillik iradəsinin təntənəsidir. Cəmi 23 ay mövcud olsa da Xalq Cümhuriyyəti dövlətçilik tariximizdə silinməz iz qoymuş, müasir Azərbaycanın əsasını təşkil etmişdir.Bu gün Prezident İlham Əliyevin rəhbərliyi ilə Azərbaycan regionda lider dövlətə çevrilmiş ,ərazi bütövlüyümüz bərpa olunmuşdur. Müstəqil dövlətçiliyimiz daha da güclənmiş, beynəlxalq aləmdə nüfuzumuz artmışdır.
Respublika Komitəsinin sədr müavini Mirzə Cəfərzadə "Konstitusiya və Suverenlik ili" çərçivəsində 28 May Müstəqillik Gününün əhəmiyyətindən danışmış,bayram münasibətilə təbrik etmiş və Nizami rayon Komitəsinə təşəkkürünü bildirmişdir. Nizami rayon İcra Hakimiyyəti İctimai,Siyasi və Humanitar şöbənin müdiri Bəhmən Hüseynov Rayon İcra Hakimiyyəti başçısı Coşqun Cəbrayılovun salamlarını çatdırmışdır. 32 nömrəli tam orta məktəbin tarix müəllimi Hüseynova İmmi Əli qızı Azərbaycan Xalq Cümhuriyyəti təhsil tarixindən geniş bəhs etmişdir.
Sonda tədbirdə iştirak edən və təhsildə fərqlənən təhsil işçilərinə fəxri fərman və qiymətli hədiyyələr Nizami rayon Komitəsi tərəfindən təqdim edilmişdir.Tədbir musiqi sədaları altında davam etmişdir.
