MİRZƏ ƏLƏKBƏR SABİRİN VƏTƏNİ NİYƏ BAXIMSIZDIR?
Bu gün ədiblər diyarı Şamaxı rayonundan keçirdim. Diqqətimi məsciddən çıxan əcnəbi turistlər çəkdi. Odur ki, yolumu Şamaxı şəhərinin mərkəzindən saldım. Rayonu yaxşı tanımadığım üçün maşın məni hara apardısa orada getdim və qarşıma Heydər Əliyevin adını daşıyan park çıxdı. Maşını saxlayıb partiya veteranı kimi Ulu öndərin heykəlini ziyarət etdim. Gördüyüm mənzərə heç də ürəkaçan olmadı. 
Belə ki, Heydər Əliyevin heykəlinin ətrafında döşəmə daşların çox pis vəziyyətdə olduğunua görə bir Azərbaycanlı kimi utandım. Ən azından əcnəbilərdən utandım. Ona görə ki, bizim haqqımızda nə düşünərlər deyə çox məyus oldum. Axı Heydər Əliyev Müasir Azərbaycanın qurucusudur, xalqımızın Ümummilli lideridir. Biraz da irəli gedib gördüm ki, Şamaxı RİH-nin binası da parkla yanaşıdır. Bu isə artıq düşündürücü bir mövzu oldu. Açığını desəm hazırda Şamaxı RİH-ə kimin başçılıq etdiyini bilmirəm, yəni təzə vəyaxudda köhnələrdən olduğunu da bilmədiyim üçün nə yazacağımı da bilmirəm. 
Belə ki, köhnələr Ulu öndərin bu xalq, bu dövlət üçün nə qədər iş gördüyünü çox yaxşı anlayırdılar. Ən azından ona görə onun adını daşıyan hər hansı bir yerə çox böyük diqqətlə yanaşırdılar. Müasir başçıların çoxu bu yöndə diqqətsizdir desəm, biraz da yumşaq çıxar. Bu gün Dövlət başçımız Müzəffər Ali Baş Komandan İlham Əliyevin atası Heydər Əliyevin adını daşıyan parkın bu vəziyyətdə olması çox acınacaqlı bir haldır. İcra hakimiyyətinin qarşısından əlli metr kənarda yollarında bərbad olduğunun şahidi olduq.
Məsələni diqqətimizdə saxlayacağıq.
ƏLMANİZ ƏLƏKBƏRLİ
Baş Redaktor
