Diaspor.info xəbər verir ki,Mingəçevir şəhərində baş verən hadisə cəmiyyətdə ciddi suallar doğurur. Azyaşlı və autizm,epilepsiya xəstəsi övladı olan ana Ələsgərova Qubaxanım Mingəçevir şəhər İcra və Probasiya şöbəsinin rəisi Eynur Babayevi qanunsuz hərəkətlərə və vəzifə səlahiyyətlərindən sui-istifadəyə görə Mingəçevir şəhər məhkəməsinə verib.
Şimayətçi bildirir ki : Lakin məhkəməyə 17.02.2026-cı il tarixində poçt vasitəsilə göndərdiyim ərizə daxil olsa da, iki gün ərzində qeydiyyata alınmamışdır.
18.02.2026-cı il tarixində məhkəmə ilə əlaqə saxladıqda mənə bildirildi ki, işlərin çoxluğu səbəbindən gözləməliyəm və nə zaman növbə çatdıqda qeydiyyat aparılacaqdır. Halbuki qanunvericiliyə əsasən məhkəməyə daxil olmuş sənəd dərhal qeydiyyata alınmalıdır.
Yalnız 887 vasitəsilə Hüquq Şurasına şikayət etdikdən dərhal sonra ərizə qeydiyyata alınmışdır. Bu fakt işə münasibətdə qeyri-obyektiv yanaşma ehtimalı ilə bağlı əsaslı narahatlıq yaratmışdır.
Ana bildirir ki, xəstə övladının qayğısını çəkdiyi bir vaxtda onun həbs olunmasına yönəlik addımlar həm hüquqi, həm də mənəvi baxımdan qəbuledilməzdir. “Xəstə övladım var. Mənim bütün mübarizəm onun haqqı və gələcəyi üçündür. Mənim həbsimlə deyil, qanunun aliliyi ilə məşğul olunmalıdır.Mən cinayətkar deyiləm.Mən yalnız övladımın hüquqlarını və qanunu müdafiə edirəm.” deyə şikayətçi vurğulayır.
Məsələ ilə bağlı materiallar 23.12.2025-ci il tarixində Baş Prokurorluq tərəfindən Ədliyyə orqanlarının daxili istintaqına göndərilib və Eynur Babayevlə bağlı araşdırma davam edir. 07.02.2026-cı il tarixində məsələ ictimaiyyətə təqdim olunub.
12.02.2026-cı ildə qəbul keçirilib və nəzarətdə saxlanılacağı qeyd olunub.
13.02.2026-cı il tarixində isə Baş Prokurorluq tərəfindən Ələsgərova Qubaxanım qəbul edilərək,işin nəzarətə götürüldüyü bildirilib. O, məhkəmə prosesinin şəffaf aparılmasını, hər hansı müdaxilənin qarşısının alınmasını və icra rəisinin hərəkətlərinə hüquqi qiymət verilməsini tələb edir.
Şikayətçinin sözlərinə görə, icra rəisi Eynur Babayev uzun müddətdir açıq qərəz nümayiş etdirib və onun barəsində cinayət işi başlanmasına nail olmaq üçün iki dəfə istintaq orqanına təqdimat göndərib. Birinci təqdimat rədd edilsə də, ikinci dəfə yenidən müraciət olunması anaya qarşı davamlı təzyiq kimi qiymətləndirilir.Həmçinin icra rəisi Eynur Babayev xəstə uşağın hüquqlarını,rifahını deyil,qarşı tərəf olan Məlikov Fərid Mehman oğlunun maraq və arzularına daim xidmət edir.
12.02.2026-cı ildə qəbul keçirilib və nəzarətdə saxlanılacağı qeyd olunub.
13.02.2026-cı il tarixində isə Baş Prokurorluq tərəfindən Ələsgərova Qubaxanım qəbul edilərək,işin nəzarətə götürüldüyü bildirilib. O, məhkəmə prosesinin şəffaf aparılmasını, hər hansı müdaxilənin qarşısının alınmasını və icra rəisinin hərəkətlərinə hüquqi qiymət verilməsini tələb edir.
O, prosesin gedişatını ictimaiyyətlə bölüşəcəyini və mübarizəsini sonadək davam etdirəcəyini bildirir.
Hadisə cəmiyyət üçün mühüm bir sualı gündəmə gətirir: qanun hamı üçün eynidirmi, yoxsa vəzifə kreslosu bəzi şəxslərə toxunulmazlıq verir?
