“HEYDƏR ƏLİYEV MƏKTƏBLİLƏRİN GÖZÜ İLƏ” ADLI İNŞA YAZI MÜSABİQƏSİNƏ BAŞLANIB.
Ulu öndər Heydər Əliyevin anadan olmasının 103-cü ildönümü ərəfəsində “Azərbaycan Yazıçılar Birliyi Şimal-qərb Regional Bölməsinin” təşəbbüskarı olduğu “Heydər Əliyev Məktəblilərin Gözü İlə” adlı inşa yazı müsabiqəsinə start verilib. Artıq dörd ildir ki, ənənəvi inşa yazı müsabiqəsi Şəki-Zaqatala Regional Təhsil İdarəsinin tabeliyində olan təhsil ocaqlarında keçirilir. Hər il İnşa yazı müsabiqəsinə bölgədə yerləşən digər təhsil ocaqları da qoşulur.
İqtisad Universitetinin Zaqatala filialı da ikinci ildir ki, AYB Şimal-qərb regional bölməsilə birgə “Heydər Əliyev və Müstəqil Azərbaycan İqtisadiyyatı” mövzusunda inşa yazı müsabiqəsi keçirir. Bundan əlavə bölgədə yerləşən Peşə təhsil ocaqları, Uşaq İncəsənət və idman məktəbləri də müsabiqəyə qoşularaq, rəsm, inşa və idman yarışları keçirirlər.
Azərbaycan Yazıçılar Birliyi Şimal-qərb Regional Bölməsinin təşəbbüsü, Elm və Təhsil işçiləri həmkarlar ittifaqlarının rayon komitələri, Şəki-Zaqatala Regional Təhsil İdarəsi və Rayon təhsil sektorları, YAP rayon təşkilatları və rayonlardakı Heydər Əliyev Mərkəzlərinin birgə təşkilatçılığı ilə keçirilən inşa yazı müsabiqəsinin əsas məqsədi Ümummilli lider Heydər Əliyev irsinin daha dərindən öyrənilməsi, təbliği, şagirdlərin bilik və bacarığının artırılmasıdır.
Müsabiqə əvvəlcə hər bir ümumtəhsil orta məktəbində keçirilir, daha sonra rayon turu keçirilərək qaliblər AYB Şimal-qərb regional bölməsinin üzvüləri tərəfindən seçilir. Qaliblər Diplom və qiymətli hədiyyələrlə təltif olunur.
Yekun tədbir, qaliblərin təltifolunma mərasimi 05-05-2026-cı il saat 12-00-da Qax Rayon Heydər Əliyev Mərkəzində keçiriləcəkdir.
Əlmaniz Ələkbərli
Azərbaycan Yazıçılar Birliyi Şimal-qərb Regional
Bölməsinin sədri, Prezident mükafatçısı.
