Azərbaycan yenicə müstəqilliyini əldə etmişdir ki, xain qonşuları tərəfindən təcavüzlə rastlaşdı. Həmin vaxtı, yəni “Birinci Qarabağ” müharibəsi başlayan zaman, Azərbaycan nəinki müharibəyə hazır deyildi, hətta Milli ordusu belə tam formalaşmamışdı. Düzdür xain qonşumuz olan ermənilərin də, milli ordusu yox səviyyəsində idi, ancaq Azərbaycandan fərqli olaraq onlara havadarları tərəfindən xeyli silah-sursat hədiyyə olunduğuna görə, müharibənin sonu iyirmi faiz torpaqlarımızın itirilməsi ilə yekunlaşdı. Aydın məsələdir ki, itirilmiş torpaqlarımız, xalqımızın başına gətirilən soyqırımlarla heç bir qeyrətli Azərbaycan oğulu razılaşa bilməzdi. Həmin dövrdə igid, qeyrətli oğullarımız əliyalın olsalar da, yağı düşmənin hücumundan qorxub qaçmadılar, qəhrəmancasına döyüşərək, vətən yolunda şəhid oldular. Belə igid, qəhrəman oğullarımızdan biri də, Zaqatala rayon Yuxarı Tala kənd sakini Ağayev Eldar Süleyman
oğludur.
Şəhid haqqında daha çox məlumat əldə etmək məqsədilə Zaqatala rayon Yuxarı Tala kəndinə yollandıq.
Ağayev Eldar Süleyman oğlu 2 yanvar 1966-cı ildə Zaqatala rayonunun Yuxarı Tala kəndində anadan olmuşdur. Yuxarı Tala kənd 1 saylı orta məktəbini bitirdikdən sonra təhsilini 172 saylı texniki-peşə məktəbində davam etdirmişdir. 05.01.1993-cü ildə müddətli həqiqi hərbi xidmətə çağrılıb. Ordudan qayıtdiqdan sonra Azərittifaqın avtobazasında qaynaqçə işləmişdir. 27.01.1994-cü ildə Füzuli rayonu uğrunda döyüşlərdə həlak olmuşdur. Zaqatala rayonu Yuxarı Tala kəndində dəfn olunub.
İkinci Qarabağ savaşı, “Vətən Müharibəsi” zamanı bütün şəhidlərimiz kimi Eldar Ağayevin də,
qisası alındı, bu gün onun da, ruhu şaddır. Belə ki, uğrunda öldüyü torpaqlarda artıq Azərbaycan əsgəri dayanır.
ALLAH BÜTÜN ŞƏHİDLƏRİMİZƏ RƏHMƏT ELƏSİN!
Əlmaniz Ələkbərli
Azərbaycan Jurnalistlər Və
Yazıçılar Birliyinin Üzvü.