Azərbaycan yenicə müstəqilliyini əldə etmişdir ki, xain qonşuları tərəfindən təcavüzlə rastlaşdı. Həmin vaxtı, yəni “Birinci Qarabağ” müharibəsi başlayan zaman, Azərbaycan nəinki müharibəyə hazır deyildi, hətta Milli ordusu belə tam formalaşmamışdı. Düzdür xain qonşumuz olan ermənilərin də, milli ordusu yox səviyyəsində idi, ancaq Azərbaycandan fərqli olaraq onlara havadarları tərəfindən xeyli silah-sursat hədiyyə olunduğuna görə, müharibənin sonu iyirmi faiz torpaqlarımızın itirilməsi ilə yekunlaşdı. Aydın məsələdir ki, itirilmiş torpaqlarımız, xalqımızın başına gətirilən soyqırımlarla heç bir qeyrətli Azərbaycan oğulu razılaşa bilməzdi. Həmin dövrdə igid, qeyrətli oğullarımız əliyalın olsalar da, yağı düşmənin hücumundan qorxub qaçmadılar, qəhrəmancasına döyüşərək, vətən yolunda şəhid oldular. Belə igid, qəhrəman oğullarımızdan biri də, Zaqatala şəhər sakini Ramazanov Rövşən Ramazan oğludur.
Şəhid haqqında daha çox məlumat əldə etmək məqsədilə Zaqatala şəhərinə yollandıq.
Ramazanov Rövşən Ramazan oğlu 5 iyun 1968-ci ildə Zaqatala şəhərində anadan olmuşdur. 1985-ci ildə Şıxəli Qurbanov adına 3 saylı tam orta məktəbi bitirmişdir. (1986-1988) 16.05.1992-ci ildə müddətli həqiqi hərbi xidmətə çağrılıb. 1992-ci ilin aprelin 16-da Rövşən könüllü olaraq cəbhəyə getdi. O, zaqatalalilardan ibarət təşkil olunmuş rotanın tərkibində düşmənə qarşı vuruşmaya başlayıb. 29.06.1992-ci ildə (Ağdam rayonunun Parpavənd kəndi) Ağdərə rayonu uğrunda gedən döyüşlərdə şəhid olmuşdur. Zaqatala şəhərində dəfn olunub.
İkinci Qarabağ savaşı, “Vətən Müharibəsi” zamanı bütün şəhidlərimiz kimi Rövşən Ramazanovun da,
qisası alındı, bu gün onun da, ruhu şaddır. Belə ki, uğrunda öldüyü torpaqlarda artıq Azərbaycan əsgəri dayanır.
ALLAH BÜTÜN ŞƏHİDLƏRİMİZƏ RƏHMƏT ELƏSİN!
Əlmaniz Ələkbərli
Azərbaycan Jurnalistlər Və
Yazıçılar Birliyinin Üzvü.