KƏNGƏRLİDƏ SAHİBKARLIĞA DİQQƏT VƏ QAYĞI YÜKSƏK SƏVİYYƏDƏDİR.
ƏGƏR HƏQİQƏTƏN İŞLƏMƏK İSTƏYIRSƏNSƏ GƏRƏK BƏHANƏ ETMƏYƏSƏN.
YAXŞI NƏTİCƏ ƏLDƏ ETMƏYİN YOLU İSƏ GƏRGİN ƏMƏKDƏN KEÇİR.
HƏSRƏT BƏNDƏLİYEV.
Mən hazırda əkinçiliklə məşğul olan Həsrət Bəndəliyevi qonşu kimi daha yaxşı tanıyıram. Hələ sovetlər birliyi dövründə Azərbaycanın hüdudlarından kənarda xeyli yaşamışdır. İşgüzar, ədalətli və düzgünlüyün tərəfdarı kimi tanınan Həsrət artıq yetişdirdiyi məhsullarla da tanınmağa başladı. Belə ki, bu gün Nehrəm qarpızının şöhrətini belə kölgədə qoyan dadlı qarpız sortları “Həsrətin Qarpızı” kimi tanınır. Kəngərli rayon Qıvraq qəsəbə sakini Həsrət Bəndəliyevlə budəfəki görüşümüzdə onun əkin sahələrində oldu:” bəzən insanlar işləməmək üçün müxtəlif bəhanələr gətirməyə başlayırlar.
Mən sizin də gördüyünüz bu əkin sahələrini yeni götürmüşəm. Balaca bir göl düzəltmişəm və əkdiyim sahələri damcı üsulu ilə sulayıram. Mən düşünürəm ki, işləmək üçün Naxçıvanda xüsusəndə Kəngərlidə hər bir şərait yaradılıb. Kəngərli RİH başçısı Kamal Ələkbərov başda olmaqla rəhbərliyə müraciət edəriksə yalnız bizə dəstək olurlar. Gördüyünüz kimi mən artıq aydan çoxdur ki, çöldəyəm, işləyirəm. Əgər zəhmətinin bəhrəsini görmək istəyirsənsə gərgin işləməlisən.
Mən çalışıram ki, yetişdirdiyim qarpızlar öz dadı və sağlam qida kimi alıcıların ürəyincə olsun. Bir neçə ildir əkinçiliklə məşğul oluram, gərgin əməyin nəticəsidir ki, Kəngərli qarpızının da adı Naxçıvanda məşhurlaşıb. Hər il əkin mövsümündə ailə üzvlərimlə yanaşı 10-15 nəfər əlavə işçilər də işlədirəm. Dolayısıyla həm ailələr evlərinə məvacib aparır, həm də kimyəvi qatqısız, natural tərəvəz yetişdiririk”
Bir neçə il əvvəl, sahibkar Həsrət Bəndəliyevin məhsul yığımı dövründə mən də rayonda oldum. Naxçıvanın bir çox rayonlarından gəlmiş alıcıların şahidi oldum. Bəli bu gün Həsrət Bəndəliyevin sayəsində əminliklə demək olar ki, Kəngərli qarpızının Naxçıvanda özünəməxsus yeri vardır.
Sadiq Ələkbərli
Diaspor.info saytının
Naxçıvan bürosu.
1 148
