SƏNƏTİNƏ HÖRMƏT GƏTİRƏN USTA QAZANDIĞI AD-SANA GÖRƏ USTADI OLMUŞ ATASINA BORCLUDUR.
Balakəndə Avtomobil təmirində Dəmirçi axtarırsansa deməli Anar ustanın yanına getmək lazımdır.
Diaspor.info -nun Şimal-qərb bürosu sadə sənət sahiblərindən məqalələr hazırlamaqda davam edir.
Bu dəfə Balakən rayonunda xüsusi çəkisi olan "Dəmirçi " kimi bir nömrə olan Sayılov Anar Aydın oğlundan yazmaq qərarına gəldik.
Anar haqqında balakənlilərdən eşitdik.
Sonra xəbərsiz onun işlədiyi avtotəmir sexinə getdik.
Aldığımız məlumata görə Anar öz sahəsinin peşəkarıdır. Və bu sahədə qazandığı Ad-sana görə atası Aydın kişiyə borcludur.
Anar cavan olmasına baxmayaraq artıq on beş ildir ki, bu sahədə çalışır.
Artıq Anarın da dəmirçilik sahəsində yetişdirdiyi şagirdləri var.
Bizim üçün çox xoş olan bir hadisə də o oldu ki, Anar İkinci QARABAĞ müharibəsi iştirakçısı olan Balagözov Rafiq Vaqif oğluna da, peşəkarı olduğu sənətin sirlərini həvəslə öyrədir.
Bəli, sənətkar öz sənətini özündən sonra da, yaşatmaq üçün şagirdlər yetişdirməlidir.
Anar kimi sənətkarların sayı nə qədər çox olarsa rayondan böyük şəhərlərə usta arxasınca gedən müştərilərin də sayı azalar.
İbrahim Məmmədli
Diaspor. info
Balakən.
450