Bakıda Azərbaycan-ABŞ “Yaşıl enerji” forumunun keçirilməsi iki dövlətin enerji sahəsindəki əməkdaşlıq əlaqələrini gücləndirəcək.
Diaspor.info xəbər verir ki, bu sözləri Amerika Birləşmiş Ştatlarının Azərbaycandakı səfirliyinin müvəqqəti işlər vəkili Hüqo Qevara forumda çıxış edərkən deyib. O bildirib ki, “yaşıl enerji” sahəsində əməkdaşlıq ABŞ və Azərbaycan şirkətləri arasında əlaqələrin yaradılmasına yeni imkan açacaq və perspektivdə ABŞ-Azərbaycan ikitərəfli iqtisadi münasibətlərinin artmasına təkan verəcək.
Azərbaycanın Avropanın enerji təhlükəsizliyində oynadığı vacib rolu vurğulayan Hüqo Qevera deyib ki, enerji sahəsi həmişə iqtisadi əməkdaşlığımızın vacib hissəsi olub və ABŞ Azərbaycanın enerji sahəsində etibarlı təchizatçı rolunu dəstəkləyir. Bu forum Azərbaycanın “yaşıl enerji” potensialının tam mənimsəməsi üçün texniki və təmzimləyici innovasiyaların həyata keçirilməsinə yardım edəcək.