ŞƏHİD ORUC HƏSƏNXANOVUN RUHU ŞADDIR, UĞRUNDA ŞƏHİD OLDUĞU TORPAQLARDA YENİ ŞƏHƏRLƏR SALINIR.
Müstəqilliyini elan edən Azərbaycan xalqı, yenicə dövlət quruluşuna başlamışdı ki, xain qonşuları tərəfindən ərazi iddiaları ilə ittiham olunmağa başladı. Və bunun acı nəticəsi, müharibəylə yekunlaşdı.
Birinci Qarabağ müharibəsi başlayan kimi Oruc Həsənxanov da, digər qeyrətli Azərbaycan oğlanları kimi vətənin müdafiəsinə qalxdı. 1992-ci il oktyabrın 19-da müddətli həqiqi hərbi xidmət etmək üçün Milli Ordu sıralarına qatılıb.
Qarabağ müharibəsində Oruc təcrübəsiz idi, ancaq nə etməli, vətən dardaydı. . Yenicə yaranan müstəqil Azərbaycan dövləti və xalqımızın gözləmədiyi kimi, Oruc da, heç vaxt inanmazdı ki, ermənilər qəfildən Azərbaycana təcavüz edər. Belə ki, sovet ordu sıralarında xidmət edənlərin əksəriyyətindən eşitmişdi ki, erməni əsgərləri çox qorxaq olurlar.
Ancaq bu müharibədə havadarlarının maddi-mənəvi, silah-sursat və siyasi dəstəyi sayəsində xain qonşularımızın arzuları çin oldu. Onlar Azərbaycanın ən gözəl yaşayış məskənlərindən olan Qarabağ bölgəsinə hücum etdilər və nəticədə Azərbaycan dövləti 20% torpaqlarını itirdi. Bu müharibədə Azərbaycanın mədəniyyət beşiyi sayılan Şuşanı itirdik. Ancaq bu qeyri-bərabər döyüş zamanı Oruc kimi igid, qorxmaz və qeyrətli
oğullarımız erməni cəlladlarının qarşısından qaçmadılar, son damla qanlarına qədər döyüşərək, şəhid oldular. Şəhidimiz Oruc Həsənxanovu oxucularımıza tanıtmaq üçün, onun haqqında bildiyimiz bəzi məlumatları olduğu kimi yazırıq: Orucun özündən başqa üç qardaşı iki bacısı olub. Çox kasıb ailədə böyüyüblər. Uşaqlıqdan çox zəhmətkeş olub, yaxşı at sürməyi də, olub. Oruc Həsənxanov ailənin kiçik övladı, sonbeşiyi olub.
Həsənxanov Oruc Ramazan oğlu 1972-ci il oktyabrın 19-da Zaqatala rayonunun Qımır kəndində anadan olmuşdur. 1992-ci il oktyabrın əvvəlində Ağdam rayonuna müharibəyə gedib, oktyabrın 30-da şəhid olub. Ad günündə evinə gəlməyə söz vermişdi, ancaq özü gələ bilməyib, üç rəngli bayrağa bükülmüş nəşini gətiriblər.
Hazırda Qımır kənd bağçası Həsənxanov Oruc Ramazan oğlunun adını daşıyır.
İkinci Qarabağ savaşı, “Vətən Müharibəsi” zamanı cəmi 44 gün ərzində erməni əsgərlərini diz çökdürən Azərbaycan əsgəri Oruc kimi bütün şəhidlərimizin qisasını da, aldılar.
ALLAH BÜTÜN ŞƏHİDLƏRİMİZƏ RƏHMƏT ELƏSİN!
Əlmaniz Ələkbərli
Azərbaycan Jurnalistlər Və
Yazıçılar birliyinin Üzvü.
375