ŞƏHİD NAİL MUSAYEV QARABAĞA KÖNÜLLÜ GEDƏN QƏHRƏMAN OĞULLARIMIZDANDIR.
Azərbaycan yenicə müstəqilliyini əldə etmişdi ki, xain qonşuları tərəfindən təcavüzə məruz qaldı. Və məcburən müharibəyə sürükləndi. Havadarlarının maddi və mənəvi dəstəyi, silah təchizatı sayəsində qyeri-bərabər döyüşlər başladı. Nizamlı ordusu olmayan və silah-sursat çatışmamazlığı ilə qarşılaşan xalqımız əliyalın da, olsa düşmən qarşısından qaçmadı, döyüşdü və şəhid oldular. Bu qeyri-bərabər savaşda xalqımız 20% torpaqlarını itirdi. Azərbaycan xalqı və dövlətimiz bu itgi ilə heç vaxt barışmayaraq, torpaqlarımızı geri almaq üçün hər gün hazırlaşdı.
Birinci Qarabağ savaşından sonra, otuz il idi ki, torpaqlarımız işğal altındaydı. Ali baş komandan İlham Əliyevin rəhbərliyi ilə başlanan və cəmi 44 gün davam edən İkinci Qarabağ savaşı, “Vətən Müharibəsi” zamanı Azərbaycan ordusu öz qüdrətini yağı düşmənə döyüş meydanında göstərdi. Zəfərlə başa çatan Vətən müharibəsində qanı-canıyla şanlı tarix yazanlar birinci Qarabağ savaşında şəhid olan soydaşlarımızın da, qisasını aldılar. Vətən müharibəsində birinci Qarabağ savaşında şəhid olan Nail Musayevin də, qisası alındı və bu gün onun da, ruhu şaddır.
Nail Musayev haqqında məlumat toplamaq üçün Zaqatala rayonu Gözbarax kəndində olduq. Və şəhidin bacısı Şəfa xanımla xeyli söhbətləşdik: biz ailədə on uşaq olmuşuq, 3 qardaş 7 bacı, Nail oğlanlardan evin son beşiyi olub. Onun haqqında bildiklərimi sizinlə də, bölüşərəm.
Qardaşım Musayev Nail Şərfəddin oğlu 05. 04. 1971-ci ildə Zaqatala rayonu Gözbarax kəndində anadan olub. O, 8 -ci sinifi bitirdikdən sonra, sürücülük məktəbinidə də, təhsil alıb.
1989-cu ildə həqiqi hərbi xidmətə, əsgər gedib. Sovet əsgəri olub, Rusiyada, Xabarovskidə Daxili Qoşunlarda xidmət edib. 1991-ci ildə əsgərliyini başa vurub evimizə gəldi. Həmin dövrdə Qarabağ hadisələri artıq başlamışdı. Odur ki, 1992-ci ilin avqust ayında könüllü olaraq, Qarabağa, Qubadlıya getdi. Dekabr ayında evimizə geri gəldi, bir müddət istirahət edib, yenidən orduya qayıtdı. Həmin dövrdə azərbaycanda nizamsız ordu olduğuna görə 1994-cü ilin yanvar ayında yenidən döyüşə getdi.
Nail Musayevin Bacıları Zəminə, Rəmziyyə, Rəsmiyyə, Şəfa, Fəxriyyə, Mənsurə və Fənurənın dedikləri: Bir ata- ana üçün qürur duyacaq övlad. On uşağın 9-u birtərəfə o bir tərəfə olub. Mən onu övlad yox ana-ata qardaş- bacı bildim özümə.
Bacıya qardaşa arxa dayaq, biz bacıların başımızın tacı olub. Uşaqlıqdan o qədər zəhmətkeş idi, sanki od parçasıydı ,bir dəqiqə belə dayanmazdı kimin nə işi var ona qaçardı birimizin bir yeri ağrıdımı yer tapmazdı özünə.
O məktəbi 8ci sinifdən buraxdı atasına ailəsinə kömək eləmək üçün harda iş oldu getdi işlədi. Zoğal yığıb satırdı, bizim məktəb paltarımızı özü alardı. Məktəbdən uşaqları gəzməyə aparırdılar, bizim imkanımız yoxuydu getməyə, o harda iş olur gedib orada da, işləyirdi bizi göndərərdi özü oxumasada bizi heç nədən geri qoymazdı
O əsgər gedəndə bizi qardaşlarıma tapşırdı oların heç nəyə ehtiyacı olmasın, dedi.
O, cəmi 23 il yaşadı böyüknən böyük kiçiknən kiçik kimi davrandı. Heç kimsəni incitmədi biz onunla qürur duyuruq amma elə böyük bir acı ki ömrümüzün axırına kimi bizi yandırır.
Şəhid Nail Musayevin Füzuli Rayonunun Qaraxanbəyli kəndində son dəfə döyüşüb. Qardaşım çox yaxşı döyüşçü olub, o, ağır döyüşlər zamanı Snayperlə vurulub. Həmin hadisə mayın 2- də Qaraxanbəylidə olub və qardaşım elə həmin yerdə də, şəhid olub.
Gözbarax kənd qəbirstanlığında dəfn olunub.
Atam rəhmətə gedib, anam Fatma isə oğul dərdi çəkərək yaşayır.
ALLAH BÜTÜN ŞƏHİDLƏRİMİZƏ RƏHMƏT ELƏSİN!
Əlmaniz Ələkbərli
Azərbaycan Jurnalistlər Və
Yazıçılar Birliyinin Üzvü.
474