ŞƏHİD VASİF SAATOVUN RUHU ŞADDIR, ÇÜNKİ VƏTƏN MÜHARİBƏSİNDƏ ONUN DA, QİSASI ALINDI.
Azərbaycan yenicə müstəqilliyini əldə etmişdir ki, xain qonşuları tərəfindən təcavüzlə rastlaşdı. Həmin vaxtı, yəni “Birinci Qarabağ” müharibəsi başlayan zaman, Azərbaycan nəinki müharibəyə hazır deyildi, hətta Milli ordusu belə tam formalaşmamışdı. Düzdür xain qonşumuz olan ermənilərin də, milli ordusu yox səviyyəsində idi, ancaq Azərbaycandan fərqli olaraq onlara havadarları tərəfindən xeyli silah-sursat hədiyyə olunduğuna görə, müharibənin sonu iyirmi faiz torpaqlarımızın itirilməsi ilə yekunlaşdı. Aydın məsələdir ki, itirilmiş torpaqlarımız, xalqımızın başına gətirilən soyqırımlarla heç bir qeyrətli Azərbaycan oğulu razılaşa bilməzdi. Həmin dövrdə igid, qeyrətli oğullarımız əliyalın olsalar da, yağı düşmənin hücumundan qorxub qaçmadılar, qəhrəmancasına döyüşərək, vətən yolunda şəhid oldular. Belə igid, qəhrəman oğullarımızdan biri də, Zaqatala rayonu Qandax kənd sakini Saatov Vasif Ümüdvar oğludur.
haqqında daha çox məlumat əldə etmək məqsədilə Zaqatala rayonu Qandax kəndinə yollandıq. Şəhidimizin böyük qardaşı Asiflə görüşüb xeyli söhbətləşdik. Şəhidimiz haqqında əldə etdiyimiz məlumatları oxucularımıza da, təqdim edirik: biz ailədə dörd oğlan olmuşuq. Vasif ortancıl uşaq olub. Qardaşım kəndimizin ilk şəhidi oldu. Qandax kənd tam orta məktəbi də, bu gün şəhidin adını daşıyır. Qardaşım haqqında rəsmi məlumatlara gəldikdə isə :-Saatov Vasif Ümüdvar oğlu 1974-cü il avqustun 8-də Zaqatala rayonunun Qandax kəndində anadan olmuşdur. 1981-ci ildə Qandax kənd orta məktəbinin 1-ci sinifinə getmiş və 1989-cu ildə isə həmin məktəbin 8-ci sinfini bitirmişdir.
Daha sonra peşə təhsili almaq üçün Qax Peşə məktəbinə oxumağa gedib.
1992-ci ilin noyabr ayında həqiqi hərbi xidmətə çağırılmış, Azərbaycanın işğal altında olan torpaqlarının azad edilməsi uğrunda gedən ağır döyüşlərdə iştirak etmişdir. 1993-cü il avqust ayının 17-də şəhid olmuşdur. Qandax kənd qəbirstanlığında dəfn olunmuşdur.
Onun döyüş yoluna gəldikdə isə, o, əvvəlcə Xanlar rayonuna gedib. Orada xüsusi təlim keçdikdən sonra döyüş bölgəsinə gedib. Vasif peşəkar Qranatomyotçu olub.Yaxşı atdığına görə, bir neçə erməni tankları vurduğuna görə dəfələrlə təltif olunub.
Çox cəsur və cəsarətli olub. Dəfələrlə ölümdən qurtarıb, şəhid olan dostlarının nəşini ən çətin yerlərdən çıxarıb.
Vasifin atası Ümüdvar kişi rəhmətə gedib, haqq dünyasındadır. Anası Nəsibə xanım isə sağdır, oğlunun dərdini çəksə də, onun üçün yaşayır.
İkinci Qarabağ savaşı, “Vətən Müharibəsi” zamanı bütün şəhidlərimiz kimi Vasif Saatovun da,
qisası alındı, bu gün onun da, ruhu şaddır. Belə ki, uğrunda öldüyü torpaqlarda artıq Azərbaycan əsgəri dayanır.
ALLAH BÜTÜN ŞƏHİDLƏRİMİZƏ RƏHMƏT ELƏSİN!
Əlmaniz Ələkbərli
Azərbaycan Jurnalistlər Və
Yazıçılar Birliyinin Üzvü.