AZƏRBAYCANIN TURİZM BÖLGƏSİ OLAN ZAQATALA RAYONUNDA ASAYİŞİN QORUNMASI YÜKSƏK SƏVİYYƏDƏDİR.
İkinci Qarabağ savaşı, “Vətən Müharibəsi” zəfərlə başa çatdıqdan sonra Azərbaycanın siyasi və hərbi gücünü bütün dünya gördü. Odur ki, dövlətimizin müstəqil siyasət yürütməsini həzm edə bilməyən qüvvələr Azərbaycandakı əlaltılarının dəstəyi ilə ictimai asayişi pozmaq, çaxnaşma yaratmağa cəhd edildi. Ancaq görünür onlar Azərbaycan polisinin gücünü nəzərə almamışdılar. General Polkovnik Vilayət Eyvazov Daxili İşlər naziri olduqdan sonra asayişin qorunması, sabitlik daha da, artdı. Bu gün kiçik hadisələr nəzərə alınmasa sanki Azərbaycanda cinayət etmək istəyən belə yoxdur. Hesab edirəm ki, Azərbaycan polisi cinayətkarları həbs etməklə öz işlərini bitmiş hesab etmir, bununla yanaşı profilaktik tədbirlər, maarifləndirici söhbətlərin aparılması artıq öz bəhrəsini verir.
Ən azından bunu Zaqatala rayon Polis şöbəsinin timsalında görmək elə də, çətin deyildir. Cənab nazirin son təyinatlarından sonra şəxsi müşahidələrimə görə bu rayonda nazir Vilayət Eyvazovun dəst-xəttinə uyğun xidmət aparılır. Belə ki, Cənab Prezident İlham Əliyevin daxili sabitliyə hesablanan bütün tapşırıqları Zaqatala rayonunda yüksək səviyyədə icra edilir. Zaqatala rayon polis şöbəsi bu gün istər şəhid ailələrinə, istər qazilərimizə qarşı böyük diqqət göstərir, cənab nazirin tapşırıqlarını yüksək səviyyədə yerinə yetiri. Zaqatala turistlərin daha çox təşrif buyurduğu rayonlardandır. Bu gün inanmıram hansısa bir turist gəlib desin ki, mən Zaqatalada soyğunçuluqla, vəyaxudda oğurluqla rastlaşmışam. Bu gün dünyanın ən aparıcı dövlətlərində belə oğurluq hadisələri baş verir, o cümlədən Azərbaycanda da bu vardır. Ancaq o qədər aşağı faizdir ki, gözə çarpmır. Avropanın ən inkişaf etmiş ölkələrinin polisləri belə hər hansı bir iğtişaşı yatırmaq üçün atları öz vətəndaşlarının üzərinə sürürlər.
Bu gün heç kimə sirr deyil ki, Azərbaycan polisi də, Vilayət Eyvazovun timsalında daha müasir formada öz xalqına xidmət edir. Ən əsası Azərbaycan polisi dövlətimizə, onun rəhbərinə ən sədaqətli qurumlardan biridir. Bu sahədə Şimal-Qərb bölgəsində Zaqatala polisinin öz xüsusi yeri vardır.
Zaqatala rayonunda bu gün, Azərbaycan polisinin nüfuzunu əməli işləri ilə daha da, artıran yeni rəhbərlik var. Zaqatala ictimaiyyətində ümumi bir fikir formalaşıb. Azərbaycan Respublikasının Daxili İşlər Naziri General-Polkovnik Vilayət Eyvazov Polis Polkovniki Vəfadar Orucovu Zaqatala RPŞ-nin rəisi təyin etdiyi gündən polis vətəndaş münasibəti yüksək səviyyədə qurulmağa başlayıb. Və bu gün bu həqiqətən də belədir.
Günümüzün reallığı budur ki, bu gün sözün hər mənasında polisdən bütün vətəndaşlarımız razı qalmır. Belə ki, həssas təbəqəmiz var, qazilərimiz, Şəhid ailələrimiz, bəzən kiçik bir problemdən inciyərək, polislə bağlı neqativ fikirlər söylənilir. Həqiqətən də, bütün bunların qarşısında səbrlə insanları dinləmək, onları başa düşmək, vəzifəsindən asılı olmayaraq, məmurda böyük mədəniyyət tələb edir. Zaqatala ictimaiyyətinin fikrincə Zaqatala RPŞ-də bunlar gözlənilir.
Zaqatala polisinin asayişi yaxşı qoruduğundan xəbər verir.
Sadiq Ələkbərli
Diaspor. info
Zaqatala
