ƏLİABAD ÜÇ SAYLI TAM ORTA MƏKTƏBİ HEYDƏR ƏLİYEVİN YÜZ İLLİYİNƏ HƏSR EDİLƏN TƏDBİRLƏRƏ HAZIRDIR.
Məlum olduğu kimi yaxın günlərdə qarşılayacağımız 2023-cü il Azərbaycanda Heydər Əliyev ili elan edilib.Təbii ki, Ümummilli liderimizin 100-illiyi ərəfəsində ilboyu müxtəlif tədbirlər keçiriləcəkdir. Zaqatala rayon Əliabad qəsəbəsi 3 saylı tam orta məktəbi də “Heydər Əliyev-100” ili ilə əlaqədar müxtəlif tədbirlər keçirmək üçün ciddi hazırlıqlara başlayıb. Belə hazırlıq tədbirlərindən biri də 15 dekabrda məktəbin akt zalında keçirilib.
Tədbirdə Zaqatala rayon Əliabad qəsəbəsi 3 saylı tam orta məktəbin direktoru Natəvan Məmmədova başda olmaqla müəllim və şagirdlər də, iştirak ediblər.
Diaspor.info saytının Şimal-Qərb bölgəsinin verdiyi məlumata görə sözügedən tədbirdə “Riyaziyyat” fənni üzrə “Bilik Yarışması” da keçirilib:- tədbir ilk öncə Azərbaycan Respublikasının Dövlət himninin səsləndirilməsi ilə başlandı. Daha sonra söz təhsil ocağının rəhbəri Natəvan Məmmədovaya verildi.
Natəvan xanım öz çıxışında Ümummilli liderimiz Heydər Əliyevin müəllimə, təhsilə nə qədər önəm verməsindən ətraflı danışaraq, “Bilik Yarışmasında” öz biliklərini sınayan şagirdlərə uğurlar arzuladı. Və bu arada Natəvan xanım tədbirdə iştirak edən Azərbaycan jurnalistlər və Yazıçılar Birliyinin üzvü, Qızıl Qələm media mükafatı laureatı olmuş Əlmaniz Ələkbərlinin də, iştirak etdiyini və müəllifi olduğu Zaqatala Şəhidləri, “Şanlı Tarix Yazanlar” kitabını təhsil ocağına hədiyyə gətirdiyini xüsusi vurğuladı. Əlmaniz Ələkbərli də, öz çıxışında Ümummilli liderimiz Heydər Əliyevlə Naxçıvanda canlı təmasda olduğunu qeyd edərək, Ulu öndərin təhsilə daha çox diqqət etdiyini önə çəkdi. Və öz çıxışını “Bilik Yarışmasının” iştirakçılarına uğurlar arzulamaqla yekunlaşdırdı. Daha sonra Rus bölməsinin riyaziyyat müəlliməsi Maya Haqverdiyeva 10-cu sinif şagirdləri arasında “Bilik Yarışmasına” start verdi. Hər bir sual yerinə yetirildikdən sonra şagirdlərin hazırladığı musiqi fasiləsi də, olurdu ki, bu da tədbir iştirakçılarının daha çox xoşuna gəlirdi.
Şuşa, Zəfər və Qarabağ adlanan komandalar arasında gərgin, ancaq ədalətli mübarizə aparıldı.
Məlum olduğu kimi Riyaziyyat fənni bütün fənnlərin şahı hesab edilir. Çətin fənn olmasına baxmayaraq, onuncular verilən tapşırıqların ayrılan vaxt ərzində həllinə nail ola bildilər. Birinci yerə Şuşa komandası, ikinci yerə Qarabağ, üçüncü yerə isə Zəfər komandası layiq görüldü. Məktəblilərin hazırladığı musiqi nömrələri isə vətənpərvər mahnılardan ibarət idi. Əliabad qəsəbəsindəki vətənpərvərliyin yüksək olması təhsil ocağında hazırlanmış tədbirdən də, hiss olundu.
Əliabad qəsəbəsi 3 saylı tam orta məktəbi, təkcə yüksək səviyyəli təmiri, təmizliyi ilə seçilmir, həm də, təhsilin- tədrisin yüksək səviyyədə olması, vətənpərvərlik nümunələrinin olmaları ilə də seçilirlər, bunu bir daha yüksək səviyyədə hazırladıqları sözügedən tədbirdə də, təsdiq etdilər.
Diaspor.info
Zaqatala bürosu.
1 185
