"Vətən müharibəsindən sonra 300-ə qədər azərbaycanlı mina qurbanı olub".
Diaspor info xəbər verir ki, bunu Azərbaycanın xarici işlər naziri Ceyhun Bayramov avqustun 24-də Bakıda Belçikanın xarici işlər naziri Hadja Lahbiblə birgə keçirdiyi mətbuat konfransında deyib.Nazir işğaldan azad olunan ərazilərdə mina problemi, ərazi bütövlüyümüz təmin olunduqdan sonra bölgədə yaranmış yeni imkanlar və Azərbaycan dövlətinin baxışları barədə belçikalı həmkarını məlumatlandırdığını qeyd edib. Həmçinin, sülh istiqamətində atılan addımların Azərbaycan Prezidentinin təşəbbüsü olması, 2022-ci ilin oktyabrında sülh müqaviləsinin ilkin layihəsinin hazırlanıb təqdim edilməsi barədə də məlumatı onun diqqətinə çatdırdığını vurğulayıb."Beynəlxalq hüququn norma və prinsiplərinə uyğun olaraq ölkələrin ərazi bütövlüyünə və suverenliyinə hörmət əhəmiyyət kəsb edir. Azərbaycan bu istiqamətdə bütün zəruri addımları atır", - deyə C.Bayramov əlavə edib.
