Diaspor.info saytının Ukrayna bürosunun verdiyi məlumata görə Azərbaycan-Ukrayna Beynəlxalq Alyansı Prezident İlham Əliyevə müraciət ünvanlayıb. Müraciətdə Azərbaycanın dilbər guşələrindən biri olan Tərtər şəhərinə Qəhrəman şəhər adının verilməsi öz əksini tapıb. Azərbaycan-Ukrayna Beynəlxalq Alyansının sədri Elmar Məmmədov xüsusi vurğulayıb ki, hələ "Birinci Qarabağ" savaşında Tərtər rayonu uğrunda çox ciddi döyüşlər gedib, ancaq tərtərlilər canı-qanı bahasına olsa da, ata-baba yurdunu tərk etməyib, əksinə vətən yolunda şəhid olaraq, torpağa qovuşmağı hər şeydən üstün tutublar. İkinci Qarabağ savaşında da, Tərtər rayonu səfərbər olaraq, Prezident İlham Əliyevin ətrafında "Dəmir Yumruq" kimi birləşməyi bacarıblar. Tərtərlilər Birinci Qarabağ savaşında Azərbaycanda vahid idarəetmənin, vahid komandanlığın olmadığı bir vaxtda da, çox böyük şücayət göstərə bilmişlər. Elmar Məmmədov bütün bunları nəzərə alaraq, Ali Baş Komandan, Prezident İlham Əliyevə Tərtər şəhərinə "Qəhrəman Şəhər" adının verilməsi üçün müraciət edib. 
Diaspor info.
Ukrayna birosu
