Bildiyimiz kimi 7 fevral 2024-cü il tarixində növbədənkənar Prezident seçkiləri keçiriləcək. Bu seçki indiyədək olan bütün seçkilərdən fərqlənir. Belə ki, ilk dəfə respublikanın bütün suveren ərazisində seçki keçiriləcək. Bu, böyük tarixi hadisə ilə əlaqədar cəmiyyətdə böyük nüfuzu olan insanların fikirlərini öyrənməkdə davam edirik. Bu dəfə suallarımızı Sipark İnşaat tikinti şirkətinin rəhbəri Seymur İsayev cavablandıracaq. Müsahibimiz ilk olaraq bu tarixi hadisəyə şahidlik etməyin böyük fəxarət olduğunu bildirdi. "Ölkə başçımız İlham Əliyevin dövlətimizə rəhbərlik etdiyi 20 il Azərbaycan tarixinə qızıl hərflərlə yazılacaq dövrdür. Onun siyasəti sayəsində ölkəmizin nüfuzu Beynəlxalq səviyyədə güclənərək, Cənubi Qafqazın lider dövlətinə çevrilib. Ölkəmizi qalib ölkə, xalqımızı qalib xalqa çevirən, İlham Əliyevə səs verib, etimad göstərmək hər birimizin vətəndaşlıq borcudur. O, İkinci Vətən savaşını və 24 saatlıq antiteror əməliyyatını zəfərlə başa çatdırdı, ərazi bütövlüyümüzü bərpa etdi. Hazırda işğaldan azad olan ərazilərimizdə seçkiyə hazırlıqlar gedir. 30 il sonra vətəndaşlarımızın öz doğma yurdlarında səs vermək hüququ bərpa edildi."
Seymur İsayev İlham Əliyevin Prezident olduğu illərdə həyata keçirdiyi əməli işlərin göz önündə olduğunu bildirərək seçkilərdə məhz ona səs verəcəyini söylədi. Müsahibimiz eyni zamanda hər kəsi İlham Əliyevə səs verməyə çağırdı.
Diaspor.info
