“Finlandiya Tatarları” kitabının təqdimat mərasimi keçirilib
Finlandiyanın Helsinki şəhərində fəaliyyət göstərən Azərbaycan Evində Finlandiya Tatarları Cəmiyyətinin imamı Ramil Belyaevin “Finlandiya Tatarları” kitabının təqdimat mərasimi keçirilib.
Layihəyə dəstək verən Türkiyə Respublikası Mədəniyyət və Turizm Nazirliyi, Xaricdə Yaşayan Türklər və Əqrəba İcmalar Başqanlığı (YTB) və Türkiyənin Finlandiyadakı səfiri Dəniz Çakar tədbirin təşkilinə görə Azərbaycan Evinə təşəkkür ediblər. Gələcək layihələrdə də əməkdaşlıq etmək istəyində olduqlarını bildiriblər. Tədbirə Finlandiyada fəaliyyət göstərən Qazaxıstan və Özbəkistan diaspor təşkilatlarının nümayəndələri də qatılıblar.
Sonda Türkiyə Respublikası Mədəniyyət və Turizm Nazirliyi , YTB və Türkiyənin Finlandiyadakı Səfirliyindən Azərbaycan Evinə hədiyyələr təqdim olunub.
