18.01.2025-ci il tarixində ATİAHİ Nizami rayon komitəsi "20 Yanvar" hüzn günü ilə bağlı,komitənin tabeliyində olan təhsil müəssisələrində işləyən Şəhid ailələrinin üzvləri, Qazi və müharibə iştirakçılarının iştirakı ilə tədbirlər planına uyğun olaraq Quba şəhərində yerləşən Soyqırım Memorial kompleksinə ziyarət edərək Şəhidlərimizi yad etdik. 
Bələdçinin təqdimatı ilə kompleksdə yaradılan muzey ilə tanış olduq və xatirə kitabına ürək sözlərimizi yazdıq .Erməni vəhşiliyinin qurbanı olan dinc sakinlərin xatirəsinə ucadılmış abidənin önünə gül dəstələri düzərək,xatirələri bir dəqiqəlik sükutla yad edildi.
Şəhid ailələri,qazilər və müharibə iştirakçıları yaradılan şəraitə görə Respublika komitəsinin sədri cənab Araz Paşayevə minnətdarlıqlarını ifadə etdilər.
