Prezident İlham Əliyev iyulun 30-da Mərakeş Krallığının milli bayramı münasibətilə bu ölkənin Kralı VI Məhəmmədə öz adından və Azərbaycan xalqı adından təbrik məktubu ünvanlayıb.
Diaspor.info xəbər verir ki, dövlətimizin başçısı məktubunda İslam həmrəyliyinin, ortaq dini-mənəvi dəyərlər ilə bir-birinə bağlı olan xalqlarımız və ölkələrimiz arasında əlaqələrin bizim üçün böyük əhəmiyyət daşıdığını vurğulayıb. Bildirib ki, qarşılıqlı hörmət və etimad ruhunda inkişaf edən dövlətlərarası münasibətlərimizin bugünkü səviyyəsi məmnunluq doğurur.
“Əminəm ki, ənənəvi dostluq əlaqələrimiz, həm ikitərəfli, həm də çoxtərəfli əsasda qarşılıqlı faydalı əməkdaşlığımız xalqlarımızın mənafelərinə uyğun olaraq birgə səylərimizlə bundan sonra da möhkəmlənəcək və yeni məzmunla zənginləşəcəkdir”, - deyə Azərbaycan Prezidenti qeyd edib.
