QAX RAYONU HEYDƏR ƏLİYEV MƏRKƏZİNDƏ ŞƏHİD AİLƏLƏRİ İLƏ YERLİ YAZARLARIN GÖRÜŞÜ KEÇİRİLİB. 
Qax rayonundan olan və Vətən Müharibəsində şəhid olanların hər biri haqqında şeirlər yazan Rəna Həsənin“Sənə Vurğunam Vətən” adlı kitabı da həmin tədbirdə təqdim edilib. Təqdimat mərasimində Qax rayon Mədəniyyət mərkəzinin, Qax MKS-nin və başqa kollektivlərin əməkdaşları Heydər Əliyev Mərkəzinin kollektivi ilə birgə çox gözəl kompozisiyalar hazırlamışdılar. 
Tədbirdə ilk söz Azərbaycan Yazıçılar Birliyi Şimal-qərb rayonlarını əhatə edən Zaqatala Bölməsinin sədri Əlmaniz Ələkbərliyə verilib. Əlmaniz müəllim Azərbaycanda sözə, şeirə, yaradıcı insanlara qayğının Dövlət səviyyədə olmasından geniş danışaraq Rəna Həsənlinin yaradıcılığı haqqında tədbir iştirakçılarına ətraflı məlumat verib. Şəhid ailələrinə :-“Sizin qəhrəman oğullarınızdan nə qədər şeir, dastan, romanlar yazılsada yenə də azdır” deyərək onlara həmişə borclu olduğumuzu xüsusi vurğulayıb.
Daha sonra tədbirdə Zaqataladan olan şair Şirin Qəlbinur, Şəhid anası Züleyxa Laçınova, Şəhid qardaşı Şair Nadir Ziyadlı, şair Pərvanə Həşimova və başqa natiqlər də çıxış edərək Rəna Həsənin yaradıcılığını və şəhidlər haqqında yazdığı şeirləri yüksək qiymətləndiriblər.
Tədbirin sonunda hər bir şəhid ailəsinə kitab bağışlayan müəllif ətraflı danışaraq şəhid analarına da çıxış üçün söz verib.
Tədbir yerli şair və yazıçılarla Şəhid ailələrinin birgə fotolar çəkdirməsi ilə yekunlaşıb.
Diaspor . İnfo
Qax bürosu
