QAXDA YAZIÇILAR BİRLİYİNİN BÖLGƏ ÜZRƏ NÜMAYƏNDƏSİ QAX YAZARLARI İLƏ GÖRÜŞÜB.
14 oktyabr 2023-cü il tarixində Qax rayon Heydər Əliyev mərkəzində Azərbaycan Yazıçılar birliyinin Şimal-Qərb bölgəsi üzrə sədri Əlmaniz Ələkbərli ilə Qax yazarlarının görüşü keçirilib.
Görüşdə paytaxt Bakıdan məhz bu gorüş üçün Qaxa gəlmiş Qaxın ağ adamı sayılan şair, tərcüməçi Rusiya, Gürcüstan və Azərbaycan yazıçılar birliklərinin üzvü Giya Paçxataşvili və şair-yazar “Tanış olaq” jurnalının təsisçisi Nüyvər Şərifova da iştirak ediblər. Şəki-Zaqatala Regional Mədəniyyət idarəsinin Qax rayon üzrə nümayəndəsi Dilarə Əzizova və Qax rayon Heydər Əliyev mərkəzinin rəhbəri Nərminə Omarova da iştirak ediblər.
Bundan əlavə tədbirdə “Kürmük ədəbi birliyi”nin sədri Azərbaycan Yazıçılar Birliyinin üzvü Abdulla Şahmir, AYB-nin üzvü şairə Solmaz Elqızı, şairələr Pərvanə Həşimova, Rəna Həsən, Nailə Hacıxanova, Sevinc Kamalova, Bəsti Şahmurova, şair Rüfət küskün, şair-yazar, pedaqoq Nadir Ziyadlı, Osman Ümman, Əmirxan Rəhimli,
gənc yazarlar Namiq Barış və Aytac İbrahim iştirak ediblər.
Tədbir Azərbaycan xalqının ümummilli lideri Heydər Əliyevin və Şəhidlərimizin ruhunu bir dəqiqəlik sükutla yad etməklə başlayıb. İlk sözü Azərbaycan Yazıçılar Birliyinin üzvü, AYB-nin Şimal-qərb regional bölməsinin sədri Əlmaniz Ələkbərli deyib:"-hörmətli Qaxlı yazarlar, bu gün bizim burada yığışmağımızın əsas məqsədi tanışlıqdır. 
Ancaq istəyirəm biləsiniz ki, regional bölmə olaraq məqsədimiz Qax rayonunda ədəbi mühitin inkişafı üçün çalışmaq, gənc yazarların üzə çıxması üçün işlər görməkdir. Bundan başqa "Sandıq" ədəbiyyatı dediyimiz bir çox yazarların yazdığı şeir və hekayələri cəmiyyətin istifadəsinə verməklə həmin müəllifləri də ictimaiyyətə tanıtmaqdır. Bunun üçün biz sizinlə birlikdə, əl-ələ verib işləməliyik. Bu gün bizim tədbirdə Qaxlı olub hazırda Bakı şəhərində yaşayan Azərbaycan, Rusiya və Gürcüstan Yazıçılar Birliyinin üzvü Giya Paçxataşvili və Nüyvər Şərifova da iştirak edirlər. Burada iştirak edən bir çox şairlərin kitabları işıq üzü görsə də, xeyli yazarlarımız vardır ki, onların ümumiyyətlə kitabları çapa verilməyib. Biz çalışmalıyıq ki, ədəbi mühitin inkişafı üçün tez-tez görüşək, şeirlər səsləndirilsin, müzakirələr aparılsın."
Bundan əlavə tədbirdə çıxış edən Rusiya, Gürcüstan və Azərbaycan yazıçılar birliklərinin üzvü Giya Paçxataşvili və şair-yazar “Tanış olaq” jurnalının təsisçisi Nüyvər Şərifova da iştirak ediblər. Bundan əlavə tədbirdə “Kürmük ədəbi birliyi”nin sədri Azərbaycan Yazıçılar Birliyinin üzvü Abdulla Şahmir, AYB-nin üzvü şairə Solmaz Elqızı, şairələr Pərvanə Həşimova, Rəna Həsən, Nailə Hacıxanova, Sevinc Kamalova, Bəsti Şahmurova, şair Rüfət küskün, şair-yazar, pedaqoq Nadir Ziyadlı, Osman Ümman, Əmirxan Rəhimli,
gənc yazarlar Namiq Barış və Aytac İbrahim Azərbaycan Yazıçılar Birliyinin Şimal Qərb Regional Bölməsinin yaradılması və tanınmış yazıçı-jurnalist Əlmaniz Ələkbərlinin bölməyə sədr olmasının Qax yazarları üçün, Qaxda ədəbi mühitin inkişafına təkan verə biləcəyini xüsusi vurğulayıblar. Şəki-Zaqatala regional mədəniyyət idarəsinin Qax rayon üzrə nümayəndəsi Dilarə Əzizova da çıxış edərək Qaxlı yazarlara yaradıcılıq uğurları arzulayıb.
Tədbirdə Qax Almanaxı adlı Qax yazarlarının şeir və hekayələrindən ibarət kitabn işıq üzü görməsi haqqında müzakirələr aparılıb. Əlmaniz Ələkbərli söz verib ki, yaxın bir tarixdə Qax yazarlarının hər birinin şeir və hekayələrini özündə əks etdirən bir kitab oxucuların istifadəsinə veriləcəkdir.
Tədbirdə gənc yazar Aytac İbrahimin işıq üzü görmüş ilk kitabı da müzakirə olunub.
Tədbirin sonunda Qax yazarları və qonaqlar çay süfrəsi arxasında xeyli söhbət ediblər.
Tədbir xatirə şəkli çakdirməklə yekunlaşıb.
Diaspor.info
Qax .
[center]
[center]
