Nadir Ziyadlıya Ləkit Kənd Diyarşünaslıq Evində Yaradıcılıq Gecəsi Keçirilib.
Qax rayonu Ləkit kənd Diyarşünaslıq evində əslən Qax rayon Qıpçaq kəndindən olan və hazırda Şəhid qardaşı Mehdi Ziyadovun adını daşıyan Qıpçaq kənd tam orta məktəbinin direktoru işləyən Nadir Ziyadlının yaradıcılıq gecəsi keçirilib. Məhəbbət şairi Nadir Ziyadlının sözlərinə bəstələnmiş bir neçə mahnının müəllifi və ifaçısı Ləkit kənd Diyarşünaslıq evinin mədəni təşkilatçısı Xuraman Camalova tədbirin əsas təşkilatçısı idi.
Tədbirdə Şəki-Zaqatala regional mədəniyyət idarəsinin Qax Qax rayonu üzrə nümayəndəsi Dilarə Əzizova və Qax rayon Mədəniyyət mərkəzinin direktoru Kəmalə Məcidova, Qax rayon MKS-nin direktoru Güllü Əhmədova, Qax rayonu Heydər Əliyev mərkəzində fəaliyyət göstərən şəhər 2 saylı kitabxanasının multimedia mütəxəssisi Aygün Rəhimli və kitabxanaçısı Tünzalə Heydərova, Qax rayon mədəniyyət mərkəzinin metodisti Nuriyyə Əlimova, Qax RİH başçısının Ləkit kənd inzibati ərazi dairəsi üzrə nümayəndəsi Təhminə Ağayeva və Ləkit bələdiyyəsinin sədri Abdulla Kazımov, bundan əlavə Azad Azərbaycan Televiziyasının bölgə müxbiri Hacıömər İsayev və Azərbaycan Yazıçılar Birliyinin Şimal-Qərb Regional bölməsinin sədri Əlmaniz Ələkbərli də iştirak ediblər.
Tədbirdə çıxış edən natiqlər şair Nadir Ziyadlının sözlərinə bəstələnmiş mahnılardan və ümumiyyətlə şairin yazdığı könül oxşayan şeirlərdən ətraflı danışıblar. Xuraman Camalova şairin sözlərinə bəstələdiyi bir neçə mahnını ifa edərək tədbir iştirakçılarını feyziyab edib.
AYB-nin Şimal-Qərb regional bölməsinin sədri Əlmaniz Ələkbərli tədbirdə çıxış edərək belə tədbirlərin keçirilməsini təqdirəlayiq hal hesab edib və Nadir Ziyadlıya üzvlük vəsiqəsini şairə təqdim edib. Tədbir çay süfrəsi arxasında davam edib.
Diaspor.info
Qax
