13.12.2023-cü il tarixində Turaclı kənd klubunda Turaclı kəndində yaşayan Qərbi Azərbaycanlılarla görüş keçirilmişdir.Foyedə“Xatirələr sorağında ” başlıqlı sərgi təşkil edilmişdir.Tədbirdə Qərbi Azərbaycandan deportasiya edilmiş azərbaycanlılar iştirak etmişdir.Klubun müdiri Amil Maqsudov tədbiri açaraq qonaqları salamlamışdır. İlk öncə 44 günlük vətən müharibəsində şəhadətə yüksəlmiş vətən oğullarının əziz xatirəsi bir dəqiqəlik sükutla yad edilmişdir.
Qərbi Azərbaycan haqqında məlumat vermişdir. Turaclı kənd tam orta məktəbin tarix müəllimi Zülfiyyə İbrahimova İrəvan xanlığı haqqında və azərbaycanlıların deportasiyası haqqında geniş məlumat vermişdir. Tədbirdə iştirak edən Qərbi Azərbaycanlıalr- İsmayıl Əhmədli, Təzəgül Nəzərbəyli, Nəzər Əliyeva, Rüfət Nəzərəliyev , Səfərova Sona və başqaları çıxış edərək ermənilərin törətdikləri vəhşiliklərdən ürəkağrısı ilə danışmış və doğma el-obaları, yurd-yuvaları, o yerlərin havası, suyu üçün darıxdıqlarını, vətən həsrəti çəkdiklərini söyləmişlər. S.Vurğun adına Qax rayon Mədəniyyət Mərkəzinin direkroru Kəmalə Məcidova “Qərbi Azərbaycana qayıdış” konsepsiyası haqqında danışmış və tezliklə o doğma yerlərə qayıdacaqlarını , o günün uzaqda olmadığını vurğulamışdır.
C.Cabbarlı adına Qax MKS-in direktoru Güllü Əhmədova, Şəki-Zaqatala regional Mədəniyyət İdarəsinin Qax rayon üzrə məsləhətçisi Dilarə Əzizova çıxış edərək Qərbi Azərbaycanın tariximizin bir parçası, ürək ağrıdan, qəlb göynədən bir parçası olduğunu, Azərbaycan torpağına görkəmli ictimai xadimlər, elm, mədəniyyət , ədəbiyyat və incəsənət aləmində öz sözü olan şəxslər bəxş edən vətən parçası olduğunu söyləmişlər. Mədəniyyət Mərkəzinin mədəni təşkilatçısı Vüsalə Mustafayevanın söylədiyi “Zümrüd Göyçə gölüm” şeiri və Aydan Əhmədlinin, Həcər Qadaşovanın söylədiyi vətən həsrətli bayatılar tədbir iştirakçılarını bir anlıq o torpaqlara- İrvana, Göyçəyə , Zəngəzura aparmışdır. Tədbirin sonunda “İrəvan mahalları və xalçalarI” adlı videoçarx təqdim edilmişdir.Xatirə şəkilləri çəkilmişdir.
