SƏRHƏD RAYONU OLAN BALAKƏN RAYON TALALAR KƏNDİNDƏ GÖZ OXŞAYAN MÜASİR BAĞÇA.
Son illər Azərbaycanda tikilən məktəblər körpələr-evi uşaq bağçalarını üstələsə də, müasir dövrün tələblərinə cavab verənləri də az deyildir.
Jurnalist araşdırmalarım zamanı həmişə belə qənaətdə olmiuşam ki, bəzən elə rəhbərlər olur ki, onlar öz peşələrinə nüfuz gətirirlər vəyaxudda əksinə. Balakən rayon Talalar kənd Körpələr-evi uşaq bağçasında olduğum zaman buna bir daha əmin oldum.
Əlbəttə ki, sözügedən körpələr-evi uşaq bağçasının müdiri Zöhrə Verdiyeva ilə yaxından tanış olduqdan sonra bu qərara gəldim. Yetmişbeş nəfərdən ibarət olan balaca fidanlara doqquz tərbiyəçi-müəllim, on üç nəfər texniki işçi xidmət edir. Körpələr-evi uşaq bağçasında hər şey müasir dövrümüzün tələblərinə uyğun təşkil olunmuşdur desək, yanılmarıq. 
Doğrusunu desəm mən belə təmiz, nizam-intizamlı və xüsusi zövqlə bəzədilən körpələr-evi uşaq bağçasına yalnız paytaxt Bakı şəhərində rast gəlmişəm. İlk dəfə idi ki, rayonda, xüsusən də kənd yerində ürəyimi açan bir bağçaya rast gəldim. Əslində bu bağça digər bağçalardan heç də, hündür mərtəbələri ilə seçilmirdi, adi kənd bağçası idi. 
Ancaq istər həyətinə daxil olduğum zaman, baxmayaraq ki, geniş həyəti var idi və hava da, neçə gündür yağıntılıdır, təmizlik göz oxşayırdı. İlk baxışdan o qədər ürəkaçan oldu ki, bağça rəhbərliyini də, yaxından tanımaq istədik.
Talalar kənd körpələr-evi uşaq bağçasının müdiri Zöhrə Verdiyevanı oxucularımıza da, tanıtmaq istəyirik.
Pedaqoji fəaliyyətinə 2013-cü ildə, Balakən rayonunun ən qabaqcıl təhsil ocaqlarından birində, Nizami adına Balakən şəhər bir saylı tam orta məktəbində riyaziyyat müəllimi kimi başlayıb. 2018-ci ildən isə sözügedən bağçaya rəhbərlik edir. Otağında olan sertifikatlara və aldığı tərifnamələrə də, diqqət yetirdik. Məlum oldu ki, Şəki-Zaqatala regional təhsil idarəsinin qəfil keçirdiyi “Monitorinq” zamanı Talalar kənd körpələr-evi uşaq bağçasının işi sözügedən idarənin çox xoşuna gəlib və qərara alınıb ki, yaxşı iş mükafatlandırılmalıdır.
Biz də, Şəki-Zaqatala regional təhsil idarəsinin rəhbər işçilərindən biri Bəhruz Nəbili ilə telefon əlaqəsi yaratdıq, Bəhruz müəllim həqiqətən də, sözügedən bağçanın işini yüksək qiymətləndirdiklərini bildirdi. Əslində bizim ataların gözəl məsəli var, “Görünən dağa nə bələdçi”. Danılmaz faktdır ki, bəzən yaxşı işi olanları da şəxsi maraqlarına görə qaralayanlar olur. Ancaq burada bütün gözləntilərimiz özünü doğrultdu. Belə ki, Şəki-Zaqatala regional təhsil idarəsi adətən işi aşağı səviyyədə olan müəssisəyə heç vaxt tərif demirlər.
Zöhrə xanım təvazökarlıq edib gördüyü işlərdən çox danışmasa da, bütün gördüklərimizə kollektivi ilə nail olduğunu xüsusi vurğuladı və qabaqcıl işçilərdən bir neçəsinin adını bizə də dedi. Bunlardan tərbiyəçi-müəllim Nərgiz Şahverdiyeva və Bəsti Huşənovanın adını xüsusi vurğuladı.
Uşaqlarla tərbiyəçi-müəllimlərin iş prosesini kənardan izləsək də, körpə fidanların Azərbaycan Respublikasının Dövlət himnini necə oxuduqlarının şahidi olduq. Belə kiçik yaşlarından Dövlət rəmzilərini əzbərdən tanımaları, bayrağımızın rənglərinin hansı məna daşıdığını hamılıqla demələri diqqətimizdən yayınmadı.Araşdırmaçı jurnalist kimi onu deyə bilərəm ki, Talalar kənd körpələr-evi uşaq bağçası məni sözün əsl mənasında öz sehrinə sala bildi. İlk öncə təmizliyi, nizam-intizamı və göz oxşayan şəraiti diqqətimi çəkdi. Belə təmiz, göz oxşayan körpələr-evi uşaq bağçası saxladıqlarına görə Talalar kənd körpələr-evi uşaq bağçasının müdiri Zöhrə Verdiyeva başda olmaqla bütün kollektivinə bir ziyalı kimi təşəkkür edirəm.
Əlmaniz Ələkbərli
Baş redaktor, Azərbaycan Jurnalistlər və
Yazıçılar Birliyinin Üzvü.
AYB-nin Zaqatala Bölməsinin sədri.
