Balakəndə "Balakən İntellekt Liqası - 2" layihəsinə start verilib
Balakən Gənclər Evinin təşkilatçılığı ilə Azərbaycan Respublikası Gənclər və İdman Nazirliyinin yaradılmasının 32-ci ildönümünə həsr olunmuş "Balakən İntellekt Liqası - 2" yarışının ilk turu keçirilmişdir.
Layihənin əsas məqsədi gənclərin intellektual potensialının artırılması, dünyagörüşünün genişləndirilməsi və həftəsonları asudə vaxtlarının səmərəli təşkil edilməsindən ibarətdir.
Yarışda rayonun müxtəlif idarə, müəssisə və təşkilatlarını təmsil edən komandalar, eləcə də fərdi qaydada formalaşmış kollektivlər iştirak edir. Ümumilikdə 48 nəfər gəncin mübarizə apardığı bilik yarışı yüksək rəqabət və maraq şəraitində keçmişdir.
Məlumat üçün bildiririk ki, layihə ümumilikdə 4 turdan ibarət olacaqdır. Yarışın yekununda ən yüksək nəticə göstərərək qalib gələn komandalar təşkilatçılar tərəfindən qiymətli hədiyyələrlə mükafatlandırılacaqlar.
Balakən Gənclər Evi olaraq intellektual yarışın ilk turunda fəallıq nümayiş etdirən bütün komandalara təşəkkür edir, növbəti mərhələlərdə uğurlar arzulayırıq.
