ŞİMAL-QƏRB REGİONUNDA, XÜSUSƏN DƏ ZAQATALA RAYONUNDA DİŞ XƏSTƏLİKLƏRİ DAHA ÇOX YAYILIB.
Azərbaycanın dilbər guşələrindən biri olan Zaqatala rayonunda da, digər Şimal-qərb rayonları kimi yod çatışmamazlığı var. Bu da, bir çox xəstəliklərin, məsələn el arasında adına “Zob” deyilən və bir çox diş xəstəlikləri bölgədə daha geniş yayılıb. Diş xəstəliklərinin müayinə və müalicəsi ilə yanaşı, müxtəlif gigienik qaydalara əməl olunması ilə bağlı maarifləndirmə işlərinin aparılması da çox vacibdir. Azərbaycan müstəqillik əldə etdikdən sonra bir çox sahələr kimi stomatologiya sahəsində də, gənc kadrlarımız xarici ölkələrdə təcrübə mübadiləsi edərək, bu sahəyə də yeniliklər gətirə biliblər.
Belə gənclərdən biri də, Zaqatala RMX-nin həkim-stomatoloqu Hikmət Əfəndiyevdir. Hikmət Əfəndiyev 2001-2006-cı illərdə Azərbaycan Tibb Universitetinin Stamatologiya fakültəsini bitirib. 2006-2007-ci illərdə təhsilin internatura pilləsini də müvəffəqiyyətlə bitirdikdən sonra 2009-cu ildən Zaqatala RMX-də həkim-stamatoloq kimi əmək fəaliyyətinə başlayıb. Hikmət Əfəndiyevlə gənc həkim-stamatoloq kimi görüşüb, söhbətləşdik və bölgənin həssas olduğunu nəzərə alaraq stamatoloji sahədə öz fikirlərini bildirməsini ondan xahiş etdik:-“bildiyimiz kimi Azərbaycanda stamatologiya sahəsi səhiyyəmizin ən proqressiv və inkişaf etmiş sahələrindən biridir. O da, məlumdur ki, ölkəmizdə stamatoloji xidmət üzrə fəaliyyət göstərən Dövlət və özəl klinikalar, ixtisaslaşmış kabinetlər yetərincədir. Zaqatala RMX-nin stamatoloji kabineti də, inkişaf etmiş tibb müəssisələrindəndir desək, yanılmarıq. Belə ki, fəaliyyətdə olan yerli mütəxəssislərimiz dünyada tətbiq edilən yeni üsul və vasitələrdən, yüksək texnoloji imkanlardan yetərincə yararlana bilirlər. Mən də gənc həkim-stamatoloq kimi iştirak etdiyim xarici ölkələrdə ilk dəfə nümayiş etdirilən yenilikləri işlədiyim müəssisədə maksimum tətbiq etməyə çalışıram.
Çalışıram ki, dəvət olunduğum təlimlərdə iştirak edim və qarşılıqlı təcrübə mübadiləsindən yararlanım. Düşünürəm ki, həkim-stamatoloq kimi vəzifəm təkcə ağız boşluğunun sağlamlığını qorumaqla və dişlərin müayinə və müalicəsi, həm də bərpası ilə bitməməlidir. Bir gənc həkim kimi zonamızda yod çatışmazlığını nəzərə alaraq, diş xəstəliklərinin geniş yayılmasını diqqətdə saxlayaraq, pasiyentlər arasında mütəmadi maarifləndirmə işləri aparmağı da özümə borc bilirəm. Bütün bu kimi xidmətlərim, işlədiyim sahədə yeniliklərin tətbiqinə görə rəhbərliyimiz tərəfindən dəfələrlə mükafatlandırılmışam. Bu təltiflərdən sonra həvəslənməklə yanaşı, məsuliyyətim də birə-beş qat artıb.”
Sevindirici haldır ki, Hikmət Əfəndiyev kimi gənc həkimlərimiz bölgələrdə, rayon mərkəzlərində böyük həvəslə işləyir, öz sahələrində dünyadakı ən son yenilikləri belə əyalətlərdə tətbiq edirlər.
DİASPOR.İNFO
ZAQATALA BÜROSU.