Yuxuma gəl
Yuxuma gəl,əzizim,
Görüm gülər üzünü.
Sənin qara gözündə
Görüm özüm özümü.
Yuxuma gəl,əzizim,
Gəzək çölü,çəməni.
Ətirli çiçəklərdən
Çələng hör,bəzə məni.
Gəl tutaq biz əl-ələ,
Dolaşaq eldən-elə.
Eşqimizin sədası
Qoy düşsün dildən-dilə.
Qibtə eyləsin bizə,
Qara xallı lalələr.
Nəğmə söyləsin bizə
Gur sulu şəlalələr.
Düzlərdə lalə dərək,
Kol dibindən bənövşə.
Vüsal yerimiz olsun
Yaşıl çətirli meşə.
Buz tək sulardan içək,
Dağ aşaq,dərə keçək.
Hər dərədən,hər düzdən
Toplayaq əlvan çiçək.
Oturaq çay başında,
Böyük bir sal daşında.
Gördüyümüz bu anlar
İlişsin yaddaşında.
Baxaraq biz göz-gözə,
Qəlbimiz dönsün közə.
Baxışlar danışanda
Ehtiyac qalmaz sözə.
Əzizim mehdən qabaq
Əzizlə əllərimi.
Şəbnəmdən,şehdən qabaq
Sığalla tellərimi.
Gülüm,baxışlarımı,
Gözəl naxışlarımı,
Saxla səndə yadigar,
Ömrə yoxdur etibar.
Bir sevinək,bır gülək,
Gül açsın arzu,dilək.
Çoxalsın sevincimiz
Həsrəti qəlbdən silək.
Pıçılda qulağıma
Ən şirin sözlərini
Qorxmasam ayrılıqdan,
Öpərdim gözlərini.
Yüxudan ayılanda
Gerçək olsun eşqimiz.
Sevinək hər ikimiz
Nağıl olsun sevgimiz.
Göydən üç alma düşdü:
Biri səni ananın,
Biri səndən umanın,
Biri sənsiz qalanın.